以人民血汗錢補貼投機虧蝕
林行止
十月十三日，陳焱在「財經ＤＮＡ」的〈「放生」銀行責在金管局〉一文，寫一則「趣事」：「鄰桌客人食物遲遲未到，客人不耐煩找經理投訴，豈料這位經理氣沖沖的回答：『這家餐廳真的離譜，我也覺得他們的服務出了問題！這家餐廳的服務實應改善，你說是嗎？』然後，經理便像沒事般施施然走開，留下客人傻了眼。」陳焱說他看見這位經理名牌上的名字是任志剛；筆者昨天看到的名字是范鴻齡，在他後面「力撑」他的是餐廳老闆榮智健！
中信泰富周一停牌，收市後召開記者招待會，發出極具震撼性的「盈警」：「今年所賺已蝕光！」所以如此，皆因已辭職（並非被公司辭退）的財務董事和財務總監，「未經授權簽訂了若干槓桿式外滙合約」亦即外滙accumulator，由於澳元及歐羅滙價急挫而美元則強勁勝昔，引致重大損失，「公司管理層」九月七日發現後即時「止蝕」，但僅七月一日至十月十七日，便錄得八億零七百七十萬港元虧損；由於「賭注」太大，其所持空美元購澳元及歐羅的外滙合約，至二○一○年十月止，總額達九十億五千萬澳元，以現水平滙價計，中信的損失可能達（亦可能不只）一百四十七億……。這也許是本港非金融企業外滙損失最多的一宗；ＢＢＣ昨天隆而重之發表有關消息並題之為〈中信泰富炒滙損失慘重股價狂跌〉，是實情的寫照。
炒賣外滙，是中信的「傳統」業務之一，料過去曾有驕人成績，不然二位出事董事的薪津不可能那麼可觀。此次在澳元及歐羅上投機，本來是有業務需要的對沖，因為中信為了保障內地的鋼鐵需求，「奉政府命」在澳洲進行龐大的鋼鐵項目投資，為了減低是項投資的貨幣滙價風險，公司的政策是「以美元鎖定項目成本」，而以澳元及歐羅為「對沖」，結果當然事與願違，美國經濟已陷衰退、美國金融業已瀕破產，但美元滙價「不按牌理出牌」，突然趨強，中信「押錯寶」，由於賭得太大，因此損失亦巨。
投機及投資，有蝕有賺，是市場的常理，可是，中信的「外滙虧損」引致的問題，值得特別關注。
第一、公司於九月七日（周日）已發現此事，十月二十日才公開，期間知道公司嚴重虧損內情者有否直接間接拋售公司股票？九月八日中信收市價二十六點一五元，十月二十日收市價十四點五二元，跌幅百分之四十四點四七，若有內幕客（不一定是董事局人員）於投資者被蒙在鼓裏的情形下上下其手，利潤十分驚人，彰彰明甚。筆者想知道的是，何以中信當局拖延一個多月才把投資者有權知道的事公布？試想，在九月八日便公布周知同時停牌並宣布進行內部檢查，豈不是對股東更公平、公道？證監會應該搜集九月八日迄今中信股票交易詳細資料，核查是否有人利用此「利淡消息」犧牲股東利益中飽私囊！
第二、公司「外滙合約」的可能虧損達一百四十七億，幾乎等同以昨天收市價六點五二元計總市價一百四十三億─造成這種驚人虧損的買賣，竟然是「未經授權」。據說該公司規定「有關外滙交易，必須要事先獲得主席批准」，為何有關部門負責人未獲主席允許便可大賭特賭，這是明顯的管理不力，主席榮智健和行政總裁范鴻齡都有疏忽責守導致股東「出血」之罪，他們不僅沒有引咎辭職，還以三言二語神色凝重卻毫無自責之意把責任推卸，如此不負責任的行徑，會令香港資本市場蒙羞。上市公司和非上市公司的最根本分別在於前者必須對公眾（股東）負責，但中信泰富並未處罰「違規」董事（僅把捲入其間的一名財務部董事減薪調職），讓他們自動辭職（享有一切薪津福利）。如果這二名「炒手」真的「違規」，以此事後果的嚴重，他們應該送交法辦，以免股東死不暝目！
第三、榮智健是紅色資本家（古稱「紅色大肥貓」），亦是國家領導人之後，做正項生意確有一手，舉其犖犖大者，買國泰賣大昌都是佳作，可是卻不適合在「鱷魚潭」中打滾。大約十年前，他在認股事件中向銀行借進數十億元用作認股─以每股三十三元認購二億九千一百萬股中信泰富（榮氏目前持股量增至百分之十九點一二），其後股價回落到十元水平，榮氏由賬面賺數十億變成蝕數十億，要不是中央出資（據說十億美元左右）「打救」，榮氏所持中信泰富股份早被債權銀行「充私」了。這一次，國家再通過持有百分之二十九股權的中信泰富母公司中國中信集團，注資（「協調安排」）一百一十七億港元作為「備用信貸」，令中信泰富不致資金周轉不靈「停擺」。母公司財援子公司，是應有之義，但中信的情況稍有不同，因為這是以國家的錢救援私人，「上綱上線」地說，這是以人民的血汗錢，補貼投機倒把失敗者；不論從哪一角度看，都是說不過去的。
雷曼「苦主」和中信泰富蝕掉整間公司市值，都因管理層管理不周闖禍。上級不知下級所幹何事，似為香港公營部門及私營企業的特色。金管局和證監會不知迷你債券的欺詐性（根本不是債券）及銀行推銷手法；中信泰富的「老闆」則不知下屬「大炒特炒以至炒燶」！香港作為大中華地區炒賣中心的地位，看來岌岌可危。

曹仁超的评论前几月一直看，现在许久不买《21世纪经济报道》再次看到真是亲切。老曹的评论一向现实和中肯，结合他本人的经验和现实发生的事件，读来非常的爽快和受用。可惜是粤语版的，很是拗口，有些也看不太懂。

2008年10月23日
春節前後將爆發裁員潮
曹仁超
10月22日，周三。恒生指數跌774.57，收14266.6，成交540.93億元。10月期指跌1064點，收14106點；11月期指跌1105點，收14037點，期指倒掛現象又出現。再睇吓恒指每日乾坤燭【下圖】，前支持點（10月10日）14675點已失守，後市進一步睇淡，恐怕14000點不保。



美元7月初至今已回升16％；兌澳元、英鎊、歐羅、加元及韓圜大幅攀升，小數跑贏美元嘅貨幣只有日圓（因利差交易），持有12萬億美元資產嘅外國銀行亦陷入去槓桿化，呢D貸款必須用美元進行償付，面對美元減息及經濟正陷入衰退，美元滙價仲咁強，歐羅信心面對考驗。

明年歐洲GDP升幅估計只有0.5％（9月份估計係0.9％）；至於加元同美元利率差距收窄，加元亦面對拋售壓力；英鎊估計明年GDP只有0.6％增長；反之，美元利率只有1.5厘，甚至減至1厘影響亦唔大（因冇人存美元收息）。

周二英國央行認為，英國已進入衰退，上述宣布令英鎊回落2.5％，見1.66美元。

英國股市連續第二天下跌，歐羅跌至兌1.28美元；銅價每磅跌穿2美元，係2005年12月以嚟首次。全球最大鐵礦石生產商Xstrata plc跌9.3%，收971.5便士。

印度孟買SENSEX指數跌4.81%；印尼指數跌4.19%；滬深三百指數跌2.56%；連埃及指數亦跌8.41%；日經平均指數更出現6.79%跌幅，全球股市冇一個上漲。

中信泰富（267）事件到底係單一定係眾多上市企業其中一間？國際貨幣市場大上大落，有幾多上市企業參與外滙買賣？一旦睇錯市損失點計？作為投資者又點樣保護自己利益？一連串問題未獲解答前，恒生指數只有繼續尋底。

美國經濟正步入衰退，每過一天訊號更明顯；比較慶幸係美國唔係出現三十年代式蕭條，而係九十年代式日本衰退，但1990／91年度及2001年軟着陸，兩者透過減稅及減息可重振，呢次較對上兩次嚴重，因減息及減稅仍起唔到作用。The party really is over. The count down is on.

一位倫敦銀行家話：「The real deterioration in the economy is only just beginning!」企業裁員潮剛開始，估計聖誕節前後先係高峰（香港相信係春節前後）。

中國GDP增長率今年第三季只有9％，明年可唔可以成功保八？成千萬鄉村勞工每年湧入城市，如中國GDP增長率少於8％，已可帶嚟社會唔穩定。

金融海嘯後，金融市場從此唔一樣──吹笛人地位一落千丈，甚至再有人吹笛亦搵唔到咁多細路跟佢走！好似1990年後嘅東京、1997年後嘅香港及2000年後嘅美國硅谷。甚至重新站起嚟已同過去唔一樣；金融業重返往日情況，即服務其他行業而唔係尋租。1990年開始發展起嚟嘅影子銀行體系將大幅收縮，而唔係進一步擴大，擔心大部分銀行因此冇咗呢方面嘅利溢來源。

去年相信係信貸擴張周期嘅頂【下圖】，估計今年全球信貸增長率只有7％及明年再下降到5％。根據惠譽估計，不但東歐信貸增長急速放緩，拉丁美洲亦一樣；仲有中東及非洲，只有南非例外。喺OECD國家中，信貸增長跌幅最大係西班牙及瑞士；擔心冰島、愛爾蘭、丹麥及英國亦加入，後者銀行系統正受到嚴重挑戰。部分歐羅區國家經濟已陷入衰退，相信明年美國進入機會極大。對嗰D依賴外資流入去保持經濟繁榮嘅國家而言係一項威脅，因外資銀行正全面收緊信貸，例如波羅的海指數已出現硬着陸。理由係外資銀行要留更多資金喺本土內以應付需求；形成呢次經濟衰退與過去唔同，因加添銀行系統出問題嘅機會（情況好似1990年日本）。



以冰島為例，2006年2月已被信貸機構列入高危區，家吓已出現嚴重危機；哈薩克情況亦極度唔樂觀，反而俄羅斯情況唔使太擔心。中東嘅卡達已獲其他國家注資支持。英國、荷蘭、西班牙及澳洲信用已降至BSI嘅B級，依家已冇一個國家仍獲A評級；比利時、愛沙尼亞、盧森堡及拉脫維亞已被降至D級；冰島降至E級；以色列、波蘭及台灣卻升上C級；多明尼加共和國升上D級。

上述嘅BSI（Banking System Indicator Quality）係由譽惠評估個別銀行而設。三大元素包括私人信貸與GDP關係、外滙情況、股市及地產價格動向與NPL（不再產生收益貸款）比重。被降為D級者代表體制已好弱，B級仲算安全，C級值得留意。家吓視為最安全嘅銀行系統有奧地利、百慕達、德國、香港、日本及新加坡。作為香港人，切勿庸人自擾之；香港銀行體系係世界上五大最安全嘅地區之一，地位甚至高出美國、英國同瑞士（即傳統金融中心）。

面對信貸增長率放緩，明年全球陷入衰退機會已高達80％，作為投資者只有耐心等候衰退來臨後先作決定。

根據Eurekahedge Pte嘅資料，因美國政府唔准裸空，令對沖基金指數（包括二千四百三十一隻基金）9月回落7.9％，係2000年該指數成立以嚟最大跌幅月份。

對沖基金由十年前4900億元上升到家吓1.9萬億美元，9月出現呢個跌幅引發唔少基金持有者兌現。

內地銀行體系好穩定
值得慶幸係今天中國嘅銀行體系已好穩定，可媲美大部分OECD國家。不良貸款比率已下降；加上中國唔使依賴外資，因此冇信心危機。大部分國企槓桿比率唔高；加上中國消費仍在上升（雖然樓價回落及股市回落），因中國人儲蓄率甚高，只有5％中國家庭過度投資喺股市，令股市下跌影響面唔大。估計明年最低潮時，GDP增長率可能降至7％。

事前好多人未想過去年8月貝爾斯登兩隻對沖基金失敗，可引發今年嘅金融海嘯，主因係環球化環境下，各國之間已冇防火牆，一個致命嘅缺點可擴散成為全球化。去年8月貝爾斯登對沖基金失敗，代表價值投資法失效，原來皇帝係赤裸裸冇着新衣。呢個事實卻由一個細路仔一語道破，各大臣及尊貴人士唔係睇唔到，而係費事講。歷史就係由一連串荒謬嘅事件串成，今天亦唔例外。

1997年7月我老曹曾寫過，未來香港物業投資者將面對全新世界。戰後只要有錢買樓及有實力捱過經濟困難期，香港物業最終仍處上升環境；1997年7月嚟臨後，一切已改變（十一年過咗，今年本港樓價高峰期仍無法超過1997年7月，豪宅除外）。擔心去年起美國物業市場情況好似1997年7月後香港嘅樓價，因歷史性高位已出現！呢次美國樓價回落唔係另一次調整，而係見頂回落。美國由2006年7月起及英國由去年8月起進入長期樓價回落期。去年10月IMF警告美國樓價Overpriced 40％；荷銀認為Overpriced 50％；瑞信報道今年年頭至今樓價只回落10％。Capital Economics嘅Seema Shah認為，明年年底前再回落25％；Primemove.Com則估計，喺2012年前回落30％；即未來四年美國同英國樓價仍係向下。

去年起最差嘅投資策略就係「Buy To Let」（買樓收租）。因為英美樓價進入長期下降趨勢。依家租金回報只有3.5厘，樓按利率7厘左右，表面虧損3.5厘，另加每年樓價跌8.5％。

有人問寫字樓又點？家吓倫敦寫字樓回報率4.5厘，情況亦唔妙。Capital Economics估計，喺2010年前回落18％。請遠離英美物業市場係我老曹嘅忠告。

响熊市中，企業宜保持較高流動比率（Current Ratio，亦有人叫Liquidity Ratio或叫Cash To Assets Ratio）。簡單D嚟講，流動資產應係流動負債一點五倍；任何公司流動比率低於一都要小心，各位如要喺淡市投資，宜選嗰D流動比率一點五或以上嘅公司先好投資，起碼知道佢地唔會破產。

响熊市中損失慘重者，都係嗰D忘記問自己假如自己睇錯市點算嘅人。你會睇錯、我會睇錯、四叔會睇錯、森池兄會睇錯及股聖畢非德亦同樣可以睇錯。睇錯市唔係千古罪人，自古至今邊個無錯？只要知錯能改，便善莫大焉。我老曹最大優點就係勇於認錯，例如投資方面一旦回落15％，便問自己有冇睇錯？一旦跌20％，便好肯定係自己睇錯。除止蝕外別無他法。

價值投資法與大趨勢係股市內經常爭拗嘅兩股勢力。例如股價係咪跌至足夠反映未來利淡因素水平？前者係評估機器，後者係投票機器，前者以靜制動，後者永遠衝動。唔係把股市推向偏高，就係把股價推向偏低；咁樣非常唔理性，最終平衡呢種力量係價值投資者嘅吸納及沽售，只係近年力量此消彼長，相信趁勢嘅人已佔壓倒性，令價值投資者力量萎縮得好厲害。

繼股神之後，另一超級大戶Jeremy Grantham （GMO主席）認為，美股見底可大手吸納；理由係物有所值。

次按拉近貧富懸殊
今天《信報》短打提及嘅James Cramer，我老曹亦係佢讀者之一，眼見佢由8月15日起不斷估底及叫投資者買銀行股，結果係累人累物；9月30日起改為唔再估底改為睇淡，點知10月份美股又大反彈，連世界著名股評人亦犯咗淡市莫估底戒條，又點怪得普通投資者。

各位仲記得Kirk Kerkorian嗎？今年6月用咗10億美元，大手吸納6.5％福特汽車，至今福特汽車股價下跌60％；佢响周一以每股2.43美元拋售七百三十萬股，另計劃再拋售一億三千三百五十萬股，證明大戶都會睇錯市。

1997年8月至2003年4月係殺中產階級期，唔少中產人士變成負資產；去年11月起呢鋪係殺超級大戶，愈有錢愈死，真係億億聲咁蝕。

估計10月28、29日聯儲局再減息半厘，利率又重返美國大蕭條時期，減息係咪啟示大蕭條重臨？

周二聯儲局宣布，動用5400億美元去購買貨幣市場互惠基金，協助佢地有能力吸納商業票據，代表信貸信心又再出問題？

7月至今銅價跌幅已達50％（其中33％喺最近三十天完成），咁係代表乜嘢？

標普五百指數平均P/E會唔會低過十倍？每一泡沫會不斷擴張直到爆破為止。

投資無涯、唯止蝕是岸。冇止蝕盤嘅投資好似冇腳嘅小鳥（最終累死自己）。今天抵買股份何其多，問題係明年經濟前景未明朗，都係忍手為上策（即最多只可動用全部資金30％）。喺熊市中股市回升25％話都冇咁易，但只有專業投資者先可以捕捉到呢D機會。

對我老曹嚟講，因一向相信太極圖（任何事物皆此消彼長），1982至2007年呢二十五年嘅經濟逐步自由化而創造出嚟嘅財富效應，引發貧富懸殊問題，透過次按危機又把兩者拉近（過去一年，富人虧損數字肯定較窮人大）。經濟又由一個極端走向另一極端，周而復始。今年起全球政府對經濟嘅管制將由過去二十五年走向寬鬆，變成重新加強起嚟。雖然自由經濟制度及民主建制長存，只係鐘擺又向另一邊擺動。今年嘅金融制度溶解（Melt Down）已被制止，相信唔會出現三十年代美式大蕭條，但信貸壓碎（Credit Crunch）仍未過去；一籮籮呆壞賬未被清理。投資者嘅貪念已消失，但恐懼未除；全球經濟進入痛定思痛期。過去十八年日本經濟已出現L形貧窮，富者愈富時代雖然結束，但窮人數字大幅上升形成L形（唔係M形）社會。

10月6日,周一

　　何处是吾家

　　面对恒指16283低点,勇敢的投资者主张入市吸纳,然后坐等他上升为止。我老曹从小怕死,当面对艰难时刻便逃跑,因此决定离开两星期去旅游。我老曹不是那些“国难当前、投笔从戎”的人。1997年我老曹沽清在香港的物业(除了自住那一间),把资金逃去伦敦,近三年又沽清伦敦物业。大人物可以奋勇抗敌(我老曹一向尊重抗敌英雄),小人物只管逃命。最近去了一次吉隆坡,发现那边的普通住宅楼价亦在回落,即吉隆坡亦不是避难所,这次逃命,已不知何处是吾家。

　　经过大跌后(例如今年3月18日恒指见20572点)必有反弹,今年3月是熊市二期中最强力反弹,日后所有反弹幅度皆不及3月18日；9月18日的反弹,事后证明反弹是弱而短,而不是强而长。担心下跌浪A、B及C变成熊市正常浪,即1、2、3、4及5。9月18日可能不是浪C而是浪3,浪4反弹后再创新低才完成浪5(上述走势1990年代在日经指数上出现)。

　　熊市策略应找掩体(Take　Cover)或避难所(Take　Shelter),以保本为主,赚不赚钱已不重要。我老曹在鼠年出生,一向胆小如鼠；时刻提醒自己小

　　心驶得万年船。

　　上证综指过去18年有3次较大跌幅,第一次是1993至1994年由1558.95回落到325.89,在5个季度内下跌79%；第二次是2001年第二季由2245.44回落到2005年第二季998.23,共16季,跌幅55.54%；第三次是去年第四季由6124点开始跌至不久前最低的1802.33,跌幅70.57%,跌幅不及1993至1994年那次,时间不及2001至2005年长,相信第四季仍要下调。CRB指数(代表19种原材料)上周回落10.9%,是1956年以来最大跌幅。其中油价下跌12.2%,至93.88美元,是2004年12月3日以来最大跌幅。美元三个月利率在新加坡见4.27%,在香港见3.81%,都是去年12月10日以来最高,这些数据告诉大家危机未过去。

　　巴菲特效应或有或无

　　股神巴菲特的价值投资法,即找出价值偏低股份而未来纯利又能够保持增长者进行投资,简称Economic　Value　Added(EVA),即企业经济增长而令市值增加,听上去容易,但怎样评估EVA是一门很深的学问。由于EVA无法评估高科技股,令股神的信徒不涉足高科技产业而错过1990年代科网股热潮(当然亦因此避过科网股泡沫爆破)。至于管理良好的公司,评估方法则更难,股神更强调资本回报率(Return　On　Equity),而不是市盈率,再加上ROA(Return　On　Assets)、ROC(Return　On　Capital　Employed)及FCFE(Free　Cash　Flow　To　Equity)等。

　　换言之,你想学股神必须有相当专业知识才行。由于都是标准化的指标,最后结果是变成股神买什么,他的信徒亦买什么,产生所谓巴菲特效应,令人们忘记1980年代股神看好白银而看错市一役,以及去年投资铁路股三个月后卖掉的历史。这次入股高盛、通用电气及富国银行收购美联是对是错?要日后才知。通用电气上周股价回落15％,收21.57美元,是1997年10月以来最低,未因股神入股而上升,即巴菲特效应或有或无,非必然出现

10月9日,周四

　　已是深秋

　　今年10月已是深秋,红叶从树上落下,股价亦一样。美联储决定直接向美国企业提供贷款,这样做是大萧条后首次；美联储自己担当银行一职,令美国银行股股价进一步下跌。美国商业票据上月减少40％,因私人基金流走5000亿美元,政府注入3800亿美元(来自iMoney　Net　Inc.资料),本周二最少有一家公司发行两周商业票据(7%利率),甚至GE亦要出5%利率(过去只要2%到3%)。看来麻烦还未减少。

　　日本日兴资产管理公司大中华区总裁宫里启晖认为,华尔街金融危机已席卷欧洲及全球其他地区。对金融市场所造成的破坏,迫使各国政府加强对金融机构监管,找出风险所在并推出法律去约束金融机构经营活动。对创新金融产品市场而言,无疑是一个打击,代表整个金融业将会经历二至三年寒冬期。

　　金融危机损坏了融资渠道,已对其他行业产生影响。美国政府自1990年起过度自由经济模式,到21世纪已渐失控,监管力度不够,对几十万亿的虚拟经济监管不足,搞到次按危机爆发,现在还无法准确预测其影响。能够预见的问题是:一、银行为规避风险而紧缩银根,令全球进入信贷紧缩期；二、金融危机对日本亦有影响,因日本金融机构持有不少来自美国的金融衍生产品。今后日本投资者不再信赖这些机构,亦导致日本金融股价大幅下跌。这种情况非日本独有,只是较其他国家严重,因资金回流日本,令日元急升加快日本经济下滑。

　　汇控(0005.HK)一级资本比率7.7％,他们说不用政府资金亦可达到8％水平；巴克莱的比率6.3％；皇家苏格兰银行、莱斯及HBOs的比率略低于6％,估计政府只要250亿英镑便能令这些银行的一级资本比率达8％安全水平。

　　与英国不同,美国政府系向银行购入不良资产；反之,英伦银行是直接注资各银行换取股份。即英伦银行有机会赚钱(如日后股价上升)。不过,整个金融市场进入去杠杆化(Deleveraging),即未来金融业规模较现在小!在过程中出现痛楚是无可避免的,为减少痛楚,英伦银行已宣布减息半厘。

　　贪婪变恐慌

　　2003至2007年投资者受贪婪推动而作出大量很傻的决定,尤其在房地产方面,似乎肯定楼价只升不跌；有钱的投资者则透过对冲基金经理,提供大量流动资金给贪婪投资者去做傻事。今年突然之间恐慌成为主导,整个市场开始平仓回流,会不会将小孩与洗澡水一起倒掉?不少优质股股价已较高峰时回落50％；野草烧尽后,土地又再肥沃,一旦春回大地,又再野花处处,周而复始,循环不息。

　　去年100万宗倒闭事件中,只有62万宗与次按有关；未来18个月共有200万单次按贷款须重新安排,到时会不会出现300万宗倒闭?由信贷推动的经济繁荣期由1982年开始,去年10月结束。我们面对的不是和暖的冬季,而是零下几十度的严寒。黄金岁月已结束,寒冷岁月由去年11月起已开始,何况未来将愈来愈冻。可怜不少投资者只有一条泳裤,怎样顶住零下几十度的严寒?美国房地产泡沫爆破所产生的金融黑洞,正在吞食一切,7000亿美元挽救计划又算得了什么?更何况美国金融危机已迅速向欧洲蔓延,在欧洲造成另一个黑洞。欧美两大经济体系已占全球GDP一半,更何况日本至今经济还是不生不死。

　　美国的银行同欧洲的银行互相之间不再信任,造成资金不流畅,情况好似一个患心肌梗塞的人,如果不及时医治,最终导致死亡。现在单靠各国央行注资及减息,好似采用氧气筒呼吸,不可以顶多久

《21世纪》：很多投资者都知道今年的大市不会很好，但不愿意抛掉手上股票的原因，是希望能反弹一些再卖。但总等不到，于是只有继续持有。这种人性中的弱点该如何克服？

曹仁超：这是一种wishful thinking(一厢情愿的想法)，反弹只是你的希望，你将你的愿望加进了你的分析中了。你初一、十五去拜神，说神阿神，今年(股市)好，今年(股市)好，会反弹的。然后将这种愿望加进分析中(假定会反弹)，这样的思考方法非常有问题。你Wish a wide horse to ride(希望能骑上一匹野马)，但它是野马，你怎么能够控制它呢？会跌倒的嘛。

事实总是很残酷的，所有的事情都会发生，所有的坏事都会发生。而且祸不单行，坏的东西总不会是一个的。所以，做投资分析一定不能加进一厢情愿的想法。

《21世纪》：没有人可以克服“一厢情愿”的想法呀。

曹仁超：每个人都在想3000点不要抛，你也跟着想。这是一个例子。股票市场不是许愿树，它通常是当你许一个愿时，它再打击一下你。

《21世纪》：这是一种很难战胜的人性？

曹仁超：对，投资市场最难控制的就是人性，所以做你会发现要做好的投资分析，时间久了都会变得“没有人性”，就像我。(笑)

《21世纪》：假设给你重新选择一次，年轻的时候你是否还会选择做投资分析？或是像李超人(李嘉诚)那样做实业？

曹仁超：会的，投资分析有一种难以言传的魅力，如果让我去做交易业务等，可能我早就闷死了。股票市场的吸引力是，没有一天是相同的。而且，如果你的看法对，股市马上会奖励，如果错，你的荷包马上就要变扁。股票市场不容许说谎，要求做分析人没有Imagination，对事情不能加入想象力，情况是怎么样，就是怎么样。说股票市场如何好，明天跌下来，说什么也没有用。股票市场是明天可以告诉你的看法是对还是错，我相信没有一个行业是这样的。这比做生意更加刺激。100万一年变1000万是可能，由1000万变为穷光蛋也是可能的。李嘉诚做实业之外也做股票的，只是我不能告诉你们。

《21世纪》：年轻时候你亏了40万，这是否成为你在股市成功的原因？

曹仁超：因为痛嘛，开心的时候，你是学不到东西的，只有痛苦的时候才会学到东西，才会去思考，股票分析最好的训练是，不断去思考为什么别人想得到的我想不到，When everybody thinks the same, you thinks the same?(每个人都是这样想，你也这样想)，那就等于你没有想过。

金价可能随CPI暴涨

《21世纪》：能否谈谈对金价的看法，金价是否开始进入下跌通道了？

曹仁超：在以前的波动周期中，我们看到最高的黄金价格仅是850美元。2001年的黄金是200美元/盎司，到今年变成1060美元/盎司，这谁能想到呢？对于未来的黄金价格，要看未来通胀尤其是中国内地和印度通胀的情况，现在做多黄金的投资者都预测中国内地和印度的CPI很难被控制。如果中国内地、印度通胀得不到解决，那么黄金价格就会和CPI一起blow out(爆炸性上升)。所以看黄金，最重要是看CPI。

我个人非常担心中国内地和印度的CPI在未来会达到两位数。因为美国的CPI问题仍不严重，目前是4%，所以，美国加利息幅度不会很大，这反而给其他地区利用加息去抑制通胀带来很大的问题，因为利差总不能太大。

中国内地的CPI是8.5%，这背后还有部分商品价格没有放开的因素，煤、油、电价涨幅没有跟上国际市场的涨幅，随着价差的扩大，这些价格控制措施面临的压力会越来越大，于是问题变成，到最后你能否(用这些办法)“压”住CPI。

从美国1970年代的经验看，是压不住的。中国内地现在是重复着美国曾有过的模式，当时，美国总统尼克松有一个价格管制法，所有的商品不准加价，当年通胀率“压”在4%，但第二年这个法案一取消，短短3个月，通胀马上到了10%以上。

为什么在油价、食物价格暴涨的情况下，美国CPI可以保持4%，这是因为恩格尔系数的作用，美国在这方面的支出比重要少得多，中国人、印度人在食物方面的支出高很多，我们才怕食物、石油加价，美国是不怕‘米贵’的，200元一包照买

2008年10月24日
阿根廷股災醞釀危機
曹仁超
10月23日，周四。恒生指數跌506.11，收13760.49，成交564.59億元。10月期指跌336點，收13770點。期指倒掛現象消失。

中國神華（1088）跌7.6%，收13.2元；招商局國際（144）跌9.4％，收16元；中海油（883）跌8％，收5.36元；中信泰富（267）最低見4.35元，升1.8%，收5元，微升9仙。大淡不出三天，中信泰富經過三天拋售後，喺4.35元搵到支持；中國鋁業（2600）跌8.8％，收2.9元；合和實業（054）每股派息3.3元，因公司現金充裕，升4.7%，收22元；東北電氣（042）發盈警，預計首三季蝕300萬元人民幣，跌1.3%，收0.355元；利豐（494）跌12％，收13.44元。

紅底股愈來愈少
恒指三年內首次跌破14000點。滙控（005）亦出現2003年8月以嚟首次跌破100元，收市時收復部分失地，重返100元之上，成為股市內少數紅底股，今天股價喺100元之上嘅股份已極少。恒指去年10月高位31958.41，P/E二十二倍，今天收市13760.49點，P/E只有九點三倍。市場信心太低，冇人知道危機喺幾時結束。熊市第三期恒指P/E一般都喺八倍之下，最低係1974年12月更低至六點三倍。淡市莫估底，低點出現後一個月先知道。

根據世界經濟論壇（World Economic Forum）嘅一年一度銀行安全報告，瑞士由世界第一位跌至第十六位；英國由第四位跌至第四十四位；美國由頭幾名跌至第二十四位；香港仍然保持第十一位。即今年香港銀行較瑞士、英國及美國銀行更安全。

瑞士第二大銀行瑞信宣布，第三季喺證券投資上蝕咗17億瑞郎、淨虧損12.6億瑞郎。股價一度下跌7％，收43.44瑞郎。今年股價共下跌36％（同期歐洲銀行股指數跌54％），即表現較同業出色。

油價跌5.84％，收66.75美元，呢個係去年6月13日以嚟最低。明天油組開會，市場當油組冇料到。

香港通脹率9月份上升3％（8月上升4.6％），主因係政府補貼電費及減免廉租屋租金；食物及能源價格亦回落；如唔計上述因素，9月通脹率6.1％（8月6.3％）。

8月香港人民幣存款亦減少7.7％，至711億元，係2004年2月以嚟最大跌幅。估計未來十二個月人民幣喺6.69至6.87元兌1美元上落，變化唔大。消息話中國將進一步減0.29厘，令貸款利率降至6.66厘，因9月CPI只上升4.6％，係今年最細升幅。

滬深三百指數升0.08％，收1834.78。萬科升4.4％、保利升6.4％及東方航空升6.1％。今年滬深三百指數已跌66％，係亞洲區表現最差指數。

內地買樓首期由30％降至20％去支持樓市，但相信作用唔大。

日股跌5.2％，見8227.75，係2003年5月以嚟最低。澳洲、南韓及紐西蘭股市亦下跌。

英國9月份零售業係兩年內最差，按月下跌0.4％。與去年同期比較升1.8％。預料英國將減息，由4.5厘降至4厘，估計明年更降至3厘，令英鎊近日跌幅加快。

CRB指數（代表十九種原材料）跌4.51％，收266.14，係2004年9月8日以嚟最低。必和必拓股價跌8％，收24.91澳元；力拓跌15％，收66.97澳元。歐盟監管機構唔同意必和必拓以760億美元收購力拓集團，以免產生壟斷。

中國認為，明年鐵礦石出現供過於求，所有內地鋼鐵廠喺10月份冇獲利。熱軋鋼已由6月5日5957元人民幣回落39％；中國鋼鐵廠已開始減產，內地鐵礦石價格已跌至十九個月內新低。

CBA歐洲公司估計，喺原材料價格下跌壓力下，澳元仍可回落17％，見50.45美仙（家吓係66.85美仙）。現價澳元不宜睇好；今年澳元已由高位回落24％，南非蘭特、挪威克朗、南韓圜及巴西雷阿爾等跌幅較澳元大，今年澳元表現唔算太差。估計11月4日澳元再減息半厘，至5.5厘。

南韓股市回落7.5％，收1049.7，即本周已回落22％，今天一度停市三十分鐘（因下跌10％）。政府向證券公司、資產管理公司及其他機構提供資金，為鼓勵投資注入1300億美元，可惜股市仍回落。南韓圜跌3.4％，見1408.8兌1美元，過去三個月已回落28％。估計第三季GDP只上升0.6％（較一年前升3.7％）。南韓情況繼續令人擔心。

富國銀行可能中毒
雪茄伏加入奧巴馬陣營，計劃大選後重建美國金融系統（1979年年底佢上任後，成功控制美國通脹率）。不過，今年佢已八十一歲；加上家吓嘅情況較1980年時艱難好多，未知可唔可以重建世人對美國經濟體系嘅信心？



阿根廷股市出現近兩天最大跌幅【上圖】，共下跌18％。指數回落10.1％（昨天回落11％）。擔心另一次阿根廷危機出現。2033年到期8.28厘票面債券利率已跌至29.33厘。阿根廷政府宣布，把阿根廷嘅私人養老基金實行國有化，統一實施由國家經營管理嘅養老基金制度。養老基金體系喺1994年成立，目的係穩固資本市場。旗下持有布宜諾斯艾利斯證交所上市公司5%嘅股票，以及持有27%嘅可以公開交易股票。

美國大選後十一天將召開G20峰會，研究點樣處理金融危機。

股聖畢非德認為，Be greedy when others are fearful！我老曹卻認為，小心駛得萬年船。

美聯銀行公布，共蝕咗240億美元，都幾令人震驚，代表美國銀行方面距離復元期仍遠。如美聯一季可蝕240億美元，其他美資銀行情況會點？更何況美國樓價仍未穩定落嚟，即次按虧損仲喺度擴大而唔係收窄。2006年10月美聯以240億美元收購Golden West，後者從事大量Adjustable Rate Mortgages（簡稱ARMS）。即買樓者首先每月付款只係象徵式（連支付利息都唔夠），然後每月供款按年上升，呢個收購今年需作187億美元撥備，令公司每股虧損11.18美元（去年同期每股獲利85美仙）。依家又由富國銀行以150億美元收購美聯，未來需為美聯撥備幾多？因為未來十二個月ARMS供款愈嚟愈多，呆壞賬亦愈嚟愈多。

對美國立法者、監管者、銀行及貸款者嚟講，11月份將係另一災難月，因240億美元ARMS到期，利率將以市價計算，估計將引發大量物業斷供潮，令銀行呆壞賬又進一步上升，信貸危機不但未退潮，反而喺度惡化。LIBOR經過八天回落後，今天又再上升，代表各國挽救措施又漸失效！LIBOR由十五種唔同時間嘅貸款組成（由隔夜錢到一年）及提供十種貨幣，全球以LIBOR為核心，制訂利率，例如LIBOR加4厘（即9厘）係家吓實際借款利率。真正情況係銀行水緊或佢地唔想將錢借畀對手（另一銀行）以免變成呆壞賬。11月份ARMS重組將係市場另一次考驗。

最先係Golden West有毒（因從事大量ARMS貸款業務），美聯食咗Golden West後中毒。依家富國銀行又食咗美聯，唔會跟住又中埋毒啩？今天連美國商業樓價亦回落，令唔再產生收益嘅貸款較第二季上升23％（較去年第三季上升五倍）。雖然富國銀行有足夠股東資金應付虧損，未來卻難免出現大幅虧損。因美國第三季倒閉數字較去年同期上升71％；未能履行合約房屋供款者共七十六萬五千五百五十八名，係2005年1月以嚟最大，呢個情況估計會維持超過一年。Mortgage Bankers Association分析員Jay Brinkmann表示，8月份美國二手樓銷售較2005年9月高峰期減少32％，成交繼續萎縮代表樓價仍未見底。

一節淡三墟；大繁榮後通常係大衰退期，此乃鐵律。戰後嬰兒潮（Baby Boom）引發全球經濟大繁榮。今年起，戰後嬰兒潮踏入退休期（我老曹都六十歲啦，計劃退休啦！），經濟進入Bust期而引發全球衰退。因為戰後出生嘅一代開始賣樓及減少消費。呢個唔係7000億美元挽救計劃可改變嘅方向，甚至最近國會批准另一3000億美元刺激方案亦冇用，因為嬰兒潮正步入退休年齡，一批接一批退下工作崗位，情況好似1990年嘅日本。同1990年至今日本再冇出現大繁榮期嘅道理一樣（日本冇新移民，人口老化速度較別國快）。

未來唔好借孖展炒股
去年係全球金融市場由信貸泡沫爆破走向去槓桿化一年；代表一個時代嘅終結及一個時代嘅開始。今年政府已成為最後資金供應者，但相對於Mother Nature力量，政府嘅力量又變得好細（邊個可以同大自然對抗？）。金融市場熊市進入Garden Variety式回落；例如美國物業從2006年年中開始回落、股市由去年10月開始、黃金由今年3月開始及石油由今年7月開始回落，理由就係去槓桿化。

股聖自己亦講過：「利用槓桿投資嘅壞處係，你可以因此而破產。」（我老曹除物業外，從不借錢投資）。當然，好好地運用槓桿又可產生刀仔鋸大樹嘅結果。問題係利用槓桿投資只需一次失足已可以致命。我老曹除咗1973／74年和記一役由50萬元變成10萬元外，其實1971年亦有過另一次慘敗經驗，就係用20萬元買市值約40萬元和記股份（約38元一股），當年7月中國宣布加入聯合國。呢個明明係好消息，點知恒指卻由406點跌至9月份278點，和記股價由38元跌至22元。我老曹因此蝕咗16萬元；加上經紀佣金等支出，我老曹喺三個月內由20萬元身家變成只得2萬元；從此唔再炒孖展。投資者心態係Once Bitten, Twice Shy。1974年我老曹喺和記身上再蝕錢後，影響整個七十年代嘅投資心理。要到1984年先再次恢復投資信心。大部分投資者失敗嘅理由，唔係錯喺Timing或方向，而係過分負荷；大部分投資者唔係死於過分保守，而係死於過分進取；大部分散戶都犯咗太遲才參加Party嘅毛病，同時又過分負荷。例如去年10月先大手吸納．同時做埋孖展散戶，結果係累己累人（近期先被斬倉）。大手買賣股票，可能帶嚟短期利潤，但長遠嚟講一定蝕大本離場；將全球進入去槓桿化嘅大趨勢下，未來投資市場已同過去唔同，更加唔好做孖展。

信貸泡沫好似灰姑娘遇上神仙，將老鼠變成駿馬及南瓜變成馬車，去參加王子舞會咁。當時鐘敲響十二下之時，所有嘢打回原形，你必須喺十二點前離開，如果唔係就變回灰姑娘。去年10月30日時鐘敲響十二下，但舞會實在太吸引，大部分投資者都唔願離開，今年已變回灰姑娘。

另一比喻係莊周夢蝶。到底夢中蝴蝶先係真嘅莊周，定係現實中嘅莊周先係蝴蝶？喺信貸泡沫中，自己到底係蝴蝶定係莊周？

三頭馬車拖累經濟
過去五十年美國家庭負債平均數係個人稅後收入78％；去年達到134％；今年才跌至130％。減債行動已開始，We have a long way to go。1960至90年美國人平均儲蓄率係稅後9％，去年係零，呢樣亦係有排搞。2004年美國金融市場槓桿比率係30比1（即10萬元本金，炒300萬元貨）。到底要到邊個水平先合理（香港去年係18比1）？今天美國GDP 72％嚟自消費性行業，一旦美國人增加儲蓄及去槓桿化；GDP點出現高增長？如重返五十及六十年代，消費只佔GDP 60％，調整期有幾長？

股聖認為，衍生產品係金融武器，擁有巨大摧毀力！依家大家先感受到佢嘅威力，原爆之後幾時先可以重建廣島及長崎？

美元滙價已完成八年熊市，今年7月起反彈。

油價接近150美元後，出現50％調整而跌穿72.5美元創新低。

金價升穿1000美元後，亦出現大調整。

道指7800點支持點能否守住？如7800點失守，將進入另一階段回落期；反之，進入上落市。

油價同金價表現係咪代表通縮期臨？美國聯儲局與各國央行濫發鈔票又會唔會引發通脹？九十年代將日本發生嘅情況會唔會喺美國重演？

過去帶動經濟增長嘅三頭馬車，今天變成帶動衰退三頭馬車。佢地係：一、房地產。估計明年美國樓價仍會回落10%至15％，相信到2012年先見底；二、信貸收緊。連GE亦要向股聖借錢，一般中小企業又點借到錢；三、消費收縮。由去年佔GDP 72％，回嚟到佔GDP 65％，睇落有排搞；加上未來企業純利減少（年初估計明年標普五百指數每股獲利96美元，家吓已修正為70美元）。純利下跌令股價及P/E下跌。即除純利下跌27％影響股價外；加上P/E由十五倍下跌至十倍，呢個係近日道指可見7800點嘅理由。道指7800點係獲利能力合理水平；如純利下降，唔排除明年道指進一步回落。

股市見底後，Buy and Hold對一般投資者嚟講係最佳策略；反之，喺股市見頂後，Buy and Hold係最差投資法。換言之，利用Buy and Hold投資策略，必須同時了解咩叫做Bottom Up及Top Down。今天股市係咪見底？木宰羊。喺未見一浪高於一浪前，冇人知道，請等候一浪高於一浪訊號出現先入市。

大家都無膽入市
各位仲記得《大白鯊》電影嗎？當人人以為泳灘安全時，大白鯊又突然出現，嚇到你半死。呢次跌市何嘗唔係咁？唔少人以為恒指18000點可支持時，忽然跌落14000點。當你以為14000點有支持時又突然失守。最後令沙灘變得冷清清，因為冇人敢落水。今天恒指失守14000點，甚至有資金喺手者，亦冇咗入市勇氣。

全球化帶嚟全球三十多年經濟繁榮期，同時令國與國之間金融體系拆走防火牆；不過，一旦美國起火便殃及全球。有人認為，中國所受影響最細，真係咩？近期金融危機已漸漸向中國擴散，中國一樣無法避免。

中國經濟已進入痛苦轉型期。過去三十年勞工密集工業由OECD國家轉向發展中經濟，尤其係中國，已大致完成；即中國再唔可以依賴吸引外資投資內地製造業而保持GDP每年9％以上嘅增長。呢個情況1980年喺香港曾經出現，1990年亦喺台灣出現；香港廠商將七萬幾間工廠由香港搬入中國而進一步壯大，香港本身則全力發展服務業。台灣因政府限制廠商投資中國，造成台灣廠商只可偷偷咁做，令台灣冇成為中國製造業服務後勤基地。結果香港1984至97年出現十三年繁榮期，台灣由1992年至今經濟無法再振作起嚟。未來中國經濟轉型，到底係香港式定係台灣式？再加上內地一子政策下，中國已面對勞工不足問題，工資自2001年起直線上升，升幅達到一倍，亦削弱咗內地工廠嘅國際競爭力（農村四十歲以下及十八歲以上勞工，70％已進入城市工作）。至於高新科技喺去年只佔總出口28.5％，仲有一段路要走。低科技行業面對壓力極大，因越南勞工成本只係中國41％，去年越南獲世貿地位，今年正搶走中國製造業訂單。去年外資投入越南高達400億美元，截至今年9月止，已投入572億美元，較去年同期上升181.3％，估計全年可達600億美元。越南正喺度搶走中國低科技行業訂單，而中國高科技行業仍喺度發育。中國呢段青黃不接期，維持幾耐？只知下一個繁榮期唔似喺明年出現。

有人認為，中國所受影響最細，真係咩？近期金融危機已漸漸向中國擴散，中國一樣無法避免。

看来老曹对中国今年至明年的经济都不看好，偶等小散还是一边站着观赏的好

2008年10月25日
新布列頓森林會議
曹仁超
10月24日，周五。恒生指數大瀉1142.11，收12618.38；成交561.4億元。10月期指跌1271點，收12500點；11月期指跌1263點，收12450點。期指倒掛現象又再出現，代表後市進一步睇淡。

滙控（005）被大摩下調目標價至580便士，响香港已大跌13%，喺倫敦進一步下跌。國泰航空（293）亦跌10%，因國際航空運輸協會（IATA）公布全球航空客運五年來首次下跌，法航喺歐洲股價亦大挫。船運費率下降，令中國遠洋（1919）大跌15%。恒生國企指數大跌9.4%，收5802.71，係2006年1月12日以來最低收市水平。

全球汽車股急跌反映大衰退將至
日經平均指數跌9.6%，見7649.08，創2007至08年最低指數。新力集團受歐羅轉弱影響，目標利潤減少57%，如歐羅再轉弱，甚至會出現虧損！新力股價跌14%，見1972日圓；聲寶跌13.5%、Canon跌12.6%。豐田汽車股價跌6.4%，因公布第三季營業額出現七年來首次下降。其他汽車股如Peugeot喺歐洲跌14%，至15.40歐羅；通用汽車股價喺德國跌10%，成5.48美元；福特汽車跌4.6%，成1.91美元；富豪汽車亦跌21%，至34.3克朗。全球汽車大挫，擔心全球經濟將陷入大衰退。

英國GDP第三季跌0.5%，係十六年內首次，相信英國已步入退衰期。英鎊再跌2.5%，成1.53美元。倫敦股市一開始便下跌8%。英國係G7中最先公布第三季GDP國家，估計日本情況亦一樣。美股一開市亦大跌，因擔心經濟衰退。

美國同日圓面對拆倉潮。大摩外滙專家Stephen Jen估計，美國互惠基金、退休金、人壽保險金喺海外投資約22萬億美元，一旦拆倉威力無窮。10月1至22日美元兌歐羅已升7.7%、兌英鎊升8%、兌澳元升17%、兌韓圜升20%、兌南非蘭特升35%。唯一跑贏美元係日圓，日圓兌美元升6.6%，成91.81日圓，係1995年8月9日以來最高。

美元走強令金價進一步回落，國際金價700美元失守，見682.4美元，向我老曹估計中650美元進軍。本周金價跌咗13％；白金跌4％，成778.35美元，本周共跌16％，進一步令人擔心通縮。

南韓股市三年內首次跌穿1000點，成938.75；指數由舊年10月31日2064.85回落至今，跌幅54.5%；本周已回落20.5%。今天LG跌9.8%，Kia汽車跌14.8%。

Anglo American呢間世界上第四大礦業公司今天股價跌8.1%，成1140便士。Rio Tinto（世界第三大礦業公司）今天股價跌7.1%，成2082便士。Total（歐洲第三大油公司）股價跌7.1%，成34.77歐羅。荷蘭蜆殼石油（歐洲最大油公司）跌6.4%，成1452便士。

OPEC開會後決定每日減產一百五十萬桶，12月期油跌7.1%，成63.05美元，睇嚟向50美元一桶進軍。

MSCI World Index跌4.3%，代表本周（未計歐美股市周五跌幅）下跌8.2%／或喺今年失去咗45%！

滬深指數跌2.9%，至1781.60，係2006年10月31日以來最低；本周失去4.8%。萬科跌5.2%，保利地產跌5.4%。

美元日圓強勢維持至明年初
De-leveraging及de-risking（去槓桿化及減少承擔風險）已成為投資主流，擋都擋唔住。日圓同美元已成為全球兩大強勢貨幣，估計強勢可維持到2009年首季，愈維持得耐，對全球經濟破壞愈大。

2007年10月31日至今快一年矣。各位最痛苦事，應該係唔知點樣告訴Honey，我唔見咗好多Money！上述係大部分香港投資者今天面對問題，加上食物售價及油價仍較去年10月高50%。唔少人財富卻少咗50%，開支卻大幅上升，你說怎麼辦?!過去三十年環球化帶嚟好處已發揮殆盡，壞處卻逐漸浮現，例如國與國之間金融業缺乏防火牆，令信貸壓碎（credit crunch）無從制止。雖然畢非德叫你當別人恐懼之時貪心，但我老曹堅持响家吓環境，小心駛得萬年船。

各國政府不斷推出刺激經濟方案，但各國股市卻不斷下沉。企業不斷裁員，美國第三季倒閉數字超過八萬一千單，較去年同期上升71%；情況仍在惡化而非改善中。

响周四聽證會上，格蛇終於肯認自己任內冇好好監管衍生產品係錯誤，並同意樓價未見底前金融危機唔會消失！不認不認還須認，上述係我老曹舊年對格蛇指責。不過，今天已非追究誰是誰非時刻，而係今後「怎麼辦」？Does anyone know the way to Recovery Road？我老曹自去年3月Countrywide破產開始，一直擔心金融風暴出現，並喺去年10月要求大家响投資策略上採取三七分（即使採用三七分，到依家都幾傷）。我老曹搵唔到未來復甦之路响邊，睇落我地將步日本九十年代後塵，進入迷失新世代！我老曹唔信美國挽救計劃可奏效，再嚟一個刺激經濟計劃，相信一樣冇乜用（1990至2003年日本政府用盡種種方法刺激經濟，結果又點），依家市場已到咗anything that can go wrong, goes wrong日子。銀行、基金尤其係對沖基金，面對大跌股市及崩潰中借貸市場，只有一籌莫展。今天銀行連同業（銀行）都唔肯借錢，要佢地貸款畀中小企？你講嘢呀！今天連畢非德亦睇錯市，你又可以信邊個？一個被「金融化」美國經濟正在結束，過去透過信貸去創造財富時代完畢。唔好話股票跌價，連石油及黃金價格亦在下跌中，2008年7月起只有Cash is King！

格蛇料多數衍生產品永遠消失
有一個笑話：如果十個工程師共同努力去設計一條橋，呢條橋建成之時，一定精美、實用及省錢。如果十個投資專家建議你買某股或黃金、外滙，你最好朝相反方向走，因為佢地結果一定係錯！股市已跌咗50%以上，係咪值得投資？木宰羊。1973至74年教訓係：恒生指數由1700點跌落700點後我老曹入貨，事後發現恒指竟可跌至150點。底從來都係出現之後一個月才知道，冇人能事前成功估底（包括畢非德）。恐懼威力往往較貪念大，其摧毀能力亦往往超乎一般人估計。大部分人估2009年美國GDP仍有增長，雖然估計中增長率愈調愈低（如今估計將跌至0.5%），但冇人公開估計2009年美國經濟係負增長，一如1990年日本亦冇人預測未來衰退可維持十三年一樣；我地總希望明天會更好。周四格蛇講真話——金融海嘯有嚴重衝擊力，其破壞力之大，達到一般人唔信地步。佢認為，依家衍生產品大部分會消失及永不回來，類似佢任內十八年信貸膨脹亦唔會再出現！佢承認任內低估咗其風險，如今發現其破壞力超過咗自己想像。

末日博士麥嘉華接受CNBC訪問時話，全球經濟開始退潮，而且速度極快。西方世界政府正努力阻止，並希望重新恢復信貸增長。但我老曹相信佢地最終將失敗。

抵買唔代表可以買
今天股市內淡友較好友多出30%，單單9月至今股市已跌咗30%。恒生指數平均O進入單位數，即進入有投資價值水平。價值投資法信徒早已認為大量股票抵買，只係手上資金愈來愈有限。我老曹睇法係：股市既然可以偏高，自然亦可以偏低，抵買並唔代表可以買。請追隨趨勢（例如觀察250天移動平均線與50天線關係，以及出現一浪高於一浪後才入市）。價值投資法信徒一再被人詛咒，除畢非德外，另一位係GMO主席Jeremy Grantham，佢早喺1998年便睇淡科網股，長遠而言佢係啱，但太早睇淡而錯過1999年賺大錢日子。呢次Grantham睇好會否一如畢非德，長遠而言係啱，不過已吃咗眼虧？

美國利率好快會見1厘，之後貝南奇可以用工具已十分有限，唔通真係要揸直升機去擲銀紙？今年6月Federal Deposit Insurance Corp接管咗99億美元斷供物業，每季將增加二十五萬間住宅；至9月底止，美國每四百七十五間住宅中便有一間被接管。

AIG認為，政府提供1228億美元已唔足夠，希望再增加（9月16日政府已由850億美元增加至1228億美元，因一星期前AIG已動用其中829億美元，擔心政府呢次挽救AIG係踩入無底深潭而不能自拔。10月8日政府再批378億美元，擔心好快又會用晒，因為AIG為4040億美元固定收入投資提供擔保。响股市日沉下，AIG虧損在不斷擴大。

歐洲央行計劃再減息，而唔理會未來通脹率，估計明年6月可見2.5厘，同2003年2厘低息仲有些少距離。

南韓第三季GDP只升0.6%，出口更跌1.8%，家庭開支只升0.1%。相信南韓將成為亞太區繼日本後第二個陷入衰退國家，加上外債沉重，情況幾令人擔心。

中國政府刺激房地產計劃估計作用唔大，因為中國經濟仲係出口導向型而非內需型。

全球金融守則重新制訂
G20今年11月15日喺華盛頓開會，有人形容係二十一世紀布列頓森林會議（布列頓森林會議喺1944年召開，訂下戰後全球金融制度），代表由美國雄霸全球六十幾年時代結束，世界將由單邊主義走向多邊主義，其中三大勢力係美國、歐洲同新興國家（以中國為代表），重新制訂世界未來金融制度。法國總統指出，未來冇一個金融機構可以唔受監管；美國提出唔容許免稅天堂存在；反觀中國仲未表態。

1944年，由四十四個結盟國家在布列頓森林開會，制訂咗七百四十條規則共同遵守，以阻止三十年代美國大蕭條喺任何國家出現，並決定一盎斯金價兌換35美元，各國貨幣同美元掛鈎；另組成多邊關貿協定（即WTO前身）及IMF。上述協議喺1971年由美國總統尼克遜廢除，從此世界進入浮動滙率時代，引發1971至2007年全球通脹。美國大選後將由新總統召開G20會議，重新制訂全球各國遵守金融守則，到時全球金融市場才可穩定下來。短期而言，愈接近11月15日，全球金融愈動盪。過去世界經濟論壇（World Economic Forum）對全球經濟有一定影響力，但最近五年已冇人再尊重呢個組織，佢地提出警告冇人理會，亦係造成近期全球經濟動盪理由。現年七十歲Klaus Schwab係世界經濟論壇創辦人兼主席，佢最近提出重建世界經濟秩序，亦係觸發呢次G20响華盛頓開會理由。至於能否達成新布列頓森林式協議？木宰羊。

雪茄伏認為，美國銀行系統已破爛不堪，必須重建，才可重新獲世人信任。

10.27: 上证指数实战分析与策略
日线连续两天有資金流出。
----------------------------------------------
留意11:30的反弹强度。
上破1880短线反弹开始。
分时牛熊位：2220 / 2150 。（熊）
下破1963，见1815-25左右。{已见}
---------------------------------------------
日线收破1980可以扭转短线跌势。
日线牛熊位：2675 / 2378。
-----------------------------------------------
（10.13）399106，399300日线“出现”大级别的买入结构转折。
（10.10）周线“出现”买入结构转折。
（09.18）<<< 下周将是全球金融市场重要的一周。>>>
（09.05）周线收破2285，见1670左右。
（08.09）9月月线有机会“出现”买入结构转折。（09.26）“出现”.
（08.01）如果月线收破2570可能见1508左右。
-----------------------------------------------
阻力:1865-1905/1950/1980/2010-20/2080-95/2100-15/2130-35/2175-95* /2205-10
支持:1810-20/1640-1730/1508-24

[ 本帖最后由 火麒麟 于 2008-10-26 20:05 编辑 ]

2008年10月27日
金融海嘯唔好揸金
曹仁超
10月26日，周日。去年11月至今快十二個月，喺呢十二個月中，等待就係最好嘅策略（太陽陳話做空軍更佳）；依家嘅策略仲係等，雖然股聖畢非德公開叫大家入市。估計恒指14000點支持位，輕輕一捅就爆，14000點之下邊一個水平係新支持位？呢個遊戲嗰名係李小龍未完成嘅電影（即係死亡遊戲）。

焦煤價已進入塞冬。今年5及6月每噸鋼價6000元人民幣，現在已跌到3300元，10月份間間鋼鐵廠都虧本。

連雲港岸邊交貨嘅鐵礦沙價由年中每噸1200元跌到600元；焦炭由每噸3000元跌至1500元。山西焦炭聯盟宣布，由9月26日起減產50％，10月份起通過鐵路銷售焦煤價每噸減200元；通過公路銷售焦煤價每噸減300元。

中國房地產協會副會長朱中一透露，8月底全國商品房未售面積已創紀錄達一億三千萬方米。

有人形容呢次股災情況好似鐵達尼號沉沒記。因為有人信鐵達尼號係唔會沉嘅船，雖然佢撞向冰山；加上過分自信嘅船長冇即時發出求救訊號及船上太少救生艇，當其他船隻嚟到救援前，鐵達尼號已沉入海底消失矣。

道指上周五回落312.3，收8378.95，跌幅達3.6％，全周共回落5.4％，技術表現唔算太差，起碼10月10日低位7882.51總算守得住，避過Melt Down嘅出現！由雷曼兄弟出事至今，道指共回落26.6％，引發咗全球性股災。嗰D博熊市反彈者個個都一頸血；股票價值面對溶解威脅，股價下跌速度較國會審批救市法案仲快。

日股支持紙咁薄
上周五日股跌至7649點；由1990年1月起，日經大熊市至今最低係2003年5月2日嘅7603點。如本周跌穿，代表2003年5月至2007年3月日股上升只係一次大反彈，即由1990年1月開始嘅日股熊市仍繼續（真嘅熊市可超過十八年？）。從乾坤燭【圖】睇，7603點支持好似紙咁薄，擔心一篤就穿。日圓拆倉潮令英鎊、歐羅、澳元、紐元及加元齊齊跌；上周五日圓兌英鎊上升12％及兌歐羅上升10％。喺咁嘅壓力下，令日經平均指數上周五下跌9.6％。



日股大跌令印度股市回落10.96％、南韓股市回落10.6％，以及恒生指數回落8.3％，擔心滬深三百指數喺本周會否難逃一跌？分析家指出，金融海嘯已由美國擴散到歐洲及亞洲所有新興市場，近日歐洲同亞洲股市跌幅反而較美國大。點樣面對百年難得一見嘅金融大海嘯（上一次係1929年）？對前景憂慮，令VIX指數升至前所未見嘅高位，現水平股市喺度反映未來兩年上市企業純利將下降40%至50％。到底應繼續避險定係響應股聖號召——當人人恐懼時，自己應該貪心?!

股聖過去投資成績係點？佢第一次大量投資係喺1957至66年嘅大牛市，當年道指由416點升到1000點。佢喺1967年出貨後，1969年宣布解散投資公司，並退出股市；1970年5月道指一度跌至627點，但1973年1月又升回1067點。呢三年內股聖無所事事，到咗1974年12月道指見底後，1975年佢先大舉入市。呢次摸底成功，佢一直等到1987年8月先大量賣出；同年10月出現股災，提供咗另一次入市機會。其後佢較少大手買入及賣出。換言之，股聖過去入市成績，亦唔係每次皆準。令佢名成利就係1987年10月股災後一直揸貨唔賣，食盡成個八十年代到2004年嘅大牛市。

未來經濟只有兩條路
下月美國大選，相信除奧巴馬勝出外，民主黨亦將大勝。問題唔係邊個嘅政綱好，而係今年股市太差，人人都希望改變。到底變好定變壞，明年再算；家個個都想「get rid of」殊仔而唔支持共和黨。唔好以為投票係以政綱取勝，事實係唔少人投票其實好情緒化。大選後民主黨喺國會優勢將進一步上升而達到壓倒性，令美國重返羅斯福總統嘅時代（即向富人抽稅）。

雷曼事件引發全球溶解行動已由股市擴展到滙市，情況較1997年7月亞洲金融風暴更差。上次係亞洲貨幣紛紛爭相貶值去增加自己國家出口能力（向鄰居行乞嘅行為），呢次卻係全球化；由歐羅、英鎊（上周二英倫銀行行長金格及上周四首相白高敦嘅言論有意壓低英鎊滙價）、澳元、紐元及加元政府都有意壓低本國貨幣去爭取更多出口，自由經濟理論受質疑，凱恩斯學派又復活。七十年代凱恩斯學派漸走下坡，以佛利民為代表嘅「小政府、大市場」主義抬頭；八十年代更成為盎格魯撒克遜統治國嘅經濟主流；美國、英國及澳洲甚至部分歐洲國家，因為呢種學說的確壓抑通脹，喺利率下降帶動下，引發一場資產大升值潮，亦即1982至2007年嘅經濟繁榮期。喺過分寬鬆嘅金融政策環境下孕育出嚟嘅CDO市場，發展到近年已註定要出事；再次證明金融機構一定要受監管理論係正確。雖然市場系統有自我調整能力，但往往好極端（例如1929至32年）。未來經濟只有兩條路：一、喺三年內大跌（由去年10月起計）；二、一如日本出現Ｌ形經濟（唔生唔死）。

港人呢方面經驗已唔少，例如1973/74年恒生指數喺二十二個月內下跌91.5％，1975年起先復甦。另一個係1997至2003年，喺政府大力干預下（包括入市買股票），股市起起跌跌六年，到2003年下半年，經濟先復甦。

喺狂潮中有人提議揸金，我老曹反對。因為當財富大量蒸發後，每盎斯金價只值600美元；短期嚟講仲有下跌空間，上阻力係750美元。喺油價下跌壓力下，連農產品亦難逃一跌！今年7月開始進入Cash is King嘅時代。信貸市場開始結冰，利率下降唔係反映信貸再次寬鬆，而係信貸市場走向平靜（無論拆或借都少）。好似日本情況，財政健全嘅企業唔借錢，想借錢嘅企業財政唔健康，結果係冇人肯借。全球經濟進入衰退已無可避免，問題係深淺及長短。呢個衰退到底係深而長定係淺而短？

格蛇承認自己低估衍生產品嘅威力，佢一向認為銀行家可自行監管。換言之，政府一直冇監管衍生產品，先令家吓出現金融海嘯，政府目前連數據都冇，又點樣挽救？件事嘅起因係尋租作用。你可用1厘息借到錢，投資4厘嘅MBS（Mortgage Backed Securities），可淨賺3厘。喺樓價上升時，MBS似乎好安全，但如果樓價下跌，MBS可以一蚊都唔值；結果係害死保險商（AIG）及所有投資MBS者。家吓甚至再將利率降至1厘都冇用，因為信心已動搖，冇人再信MBS，亦冇人再借1厘息成本嘅資金去放喺4厘息MBS身上。買樓者喺借唔到錢嘅情況下，樓價點止跌回升？

自從1971年美元進入浮動滙率後，美股大熊市有三次。一、1973年4月至1974年12月，標普五百指數回落43.4％；二、2000年8月至2003年2月，標普五百指數回落43.7％；三、1929年9月至1932年6月，標普五百指數回落84.8％。分析家相信，呢次次按危機威力超過1973年石油危機及2000年科網股泡沫爆破，但相信唔會重演1929年華爾街大危機。最後跌幅幾多？讓市場自己話畀你知。

克仔前經濟顧問Nouriel Roubini（近期名氣大盛，因2006年7月起佢已預測美國將進入衰退）喺接受CNBC訪問時話，美國將有兩年經濟負增長期（唔係兩季，係兩年），較上一次長三倍；佢接受《每日電訊報》訪問時估計，八千隻對沖基金中有25%至30％將消失，其中唔少係投資新興市場，令新興市場股市跌幅較美股大（呢個情況已出現）。

外滙市場屍骸遍野
亞太區股市成為新一輪下跌重災區，例如日經平均指數已接近2003年最低位。南韓、澳洲及香港以至整個亞太區皆出現重挫，金融海嘯已由北美洲吹到歐洲，然後到亞洲。美國同英國皆紛紛減息，但匈牙利卻將利率提升到11.5厘及羅馬尼亞提升到10.25厘。東歐國家正面對外資大量撤離，明年經濟增長率估計由10％降至零！再次證明外資靠唔住。

Thrivent Asset Management（管理700億美元）嘅Michael Binger認為，金融市場已由估邊間銀行倒閉，改為估邊個國家破產。

MSCI指數已十分接近2003年8月；全球股市喺一個月唔夠嘅時間內冇咗10萬億美元市值或三分一總市值。新興市場平均跌幅係47％（約6600億美元）；標普五百指數中超過二百間公司公布業績，純利平均較去年減少23％；美國汽車銷售係二十五年內最差嘅一個月。亞太區股市喺過去八星期中有七星期係下跌，MSCI亞太區指數已跌至2004年5月前最低。以指數成分股計，中信泰富（267）喺一星期內下跌65％係最大，因喺外滙投資上蝕咗接近20億美元。澳元成為重災區，上周五兌日圓下跌12.7％，見57.75日圓；兌美元下跌8.3％，見61.88美仙，係1976年11月宣布貶值17.5％以嚟最大一天貶值。澳元兌日圓已係八年內新低，兌美元係五年內新低，理由係包括商品價下跌及日圓利差交易。紐元上周回落9.1％、土耳其里拉回落12.7％及南非蘭特回落9.4％，外滙市場亦屍骸處處。

10.28: 上证指数实战分析与策略
日线資金持平。
明天日线“出现”买入结构转折。
----------------------------------------------
留意09:30的反弹强度。
上破1795短线反弹开始。上破1875短线转强。
分时牛熊位：2220 / 2150 。（熊）
---------------------------------------------
日线收破1980可以扭转短线跌势。
日线牛熊位：2675 / 2378。
-----------------------------------------------
（10.13）399106，399300日线“出现”大级别的买入结构转折。
（10.10）周线“出现”买入结构转折。
（09.18）<<< 下周将是全球金融市场重要的一周。>>>
（09.05）周线收破2285，见1670左右。
（08.09）9月月线有机会“出现”买入结构转折。（09.26）“出现”.
（08.01）如果月线收破2570可能见1508左右。
-----------------------------------------------
阻力:1795/1875/1950/1980/2010-20/2080-95/2100-15/2130-35/2175-95* /2205-10
支持:1640-1730/1508-24

[ 本帖最后由 火麒麟 于 2008-10-27 21:36 编辑 ]

2008年10月28日
股市上演「午夜兇鈴」
曹仁超
10月27日，周一。恒生指數暴瀉1602.54，收11015.84（最低見10676.29）；成交568.3億元。10月期指跌1352點，收11148點，高水，短期內响10676點將出現另一支持點，反彈即將開始。

今天股票市場上演「午夜兇鈴」（Margin call），斬倉貨此起彼落，慘不忍睹。未到Halloween已上演「恐怖」電影，唔嚇死才怪！今天恒指下跌12.7%，成為2008年內跌幅最大嘅一天。

禁止拋空反促使股市下跌
淡市莫估底，呢次連畢非德亦出錯，10月17日佢認為見底嘅標普五百指數至今已下跌7%。除上述外，巴郡在2006年亦曾投資88億美元CDS，到去年上半年才大量減少，雖然係咁，巴郡今年第一季喺CDS上嘅虧損仍有4.9億美元，第二季1.36億美元。巴郡喺9月份投資50億美元响高盛，如非政府最近提供100億美元畀高盛，恐怕巴郡亦早已損手。換言之，冇人擁有水晶球，你冇，我冇，畢非德都冇！

大多人問我老曹股市何時見底？答案係Bottom Up，即見底回升之時！至今為止最低係10676.29，上升後下一次如能守住10676.29，則短期「底部」出現！

請永遠唔好想去猜測市場動向，上述冇人可做到：請Let the market tells you，讓市場做主人，唔好做市場嘅主人！

今年9月中，美國證監會曾禁止「裸空」，即無貨者唔准拋空，以保護過分槓桿化嘅投資項目。禁止拋空短期雖可減慢股市下跌速度，但到咗10月份反而變成加快股市回落嘅理由。今天連純利上升50％至100％嘅股份亦難逃一跌。

菲律賓股市今天跌12％，引發短期停市。菲律賓係繼烏克蘭之後第五個尋求IMF協助嘅國家。Banco de Oro Unibank（菲國第二大銀行）一天之內下跌19％。日經平均指數已跌至1982年11月以來低點，時光倒流二十六年？三菱UFJ金融跌11％。

10月份全球股市至今已失去11萬億美元市值（相等於2007年美國全年GDP），2008年MSCI指數下跌48％，係該指數有史以來跌幅最大嘅一年。銀行股已成重災區。

滬深三百指數今天亦出現兩年以來新低，下跌7.12％，見1654.67。「中」字頭股份如中國神華、中國聯通、中國鋁業、中國遠洋、中石化紛紛跌停，寶鋼、招商銀行、浦發銀行亦跌停，中石油下跌6％、平安保險跌7.7％、貴州茅台跌7.15％、恒源煤電、開灤煤礦、西山煤電等十八隻煤炭股跌停。地產股如萬科、國興地產、上海新梅等跌停。深圳發展銀行、北京銀行亦跌停。睇嚟金融海嘯已湧入中國。

美國次按危機源自房地產市場崩潰，美國樓市泡沫源自1997至2006年嘅瘋漲，理由係貸款機構、評級機構唔負責任，令借款人以零首期買樓，造成今天嘅結果。換言之，要次按危機停止溶解，首先要美國房地產價見底先至得，可惜現價同見底價仲有15％距離。作為普通投資者，除咗避災外，可以做嘅事好有限。請多D關心你嘅家人同你嘅健康，錢財身外物，唔好諗太多。

苦候「牛市」十八年
1932年7月道指見41.22，當年上市公司股票市價只及資產淨值一半！當時非農業失業率高達38％，農產品價格因為太低，農夫寧可讓農作物响田裏爛掉亦唔採摘，GE所接嘅電氣產品訂單只及1929年時嘅四分一，大量礦場倒閉，只有家庭生意呢類企業才能維持（即一家大細做晒），汽車、輪船連一半乘客都冇，紐約交易所每天成交股數一百七十五萬股，較1929年10月高峰時下跌85％，甚至連拋空盤都冇……上述情況應該唔會喺二十一世紀出現。日經平均指數今天已跌穿2003年5月低點，即1990年1月開始嘅熊市至今仍未結束。十八年啦，日經平均指數仍在反覆尋底，呢齣恐怖電影幾時才做完？

我老曹上月去東京旅行，在松土反屋百貨公司British Tea House內飲下午茶，同鄰坐一位曉講英文嘅日本女士閒談，知道佢1990年前曾投資日股，至今仍在等候日股「牛市」重臨。今年她七十八歲啦……响佢身上，我老曹充分感覺到older, wiser but poorer嘅無奈，但願佢有生之年真係等到日經平均指數「牛市」重臨。我老曹今年亦六十歲矣，十八年後會否坐响中環置地廣場，同陌生人講自2007年10月嘅恒生指數牛市（Touch wood，口水講過，2008年香港又怎會係1990年嘅東京）？

花旗今天推介工商銀行（1398），估計今年每股獲利37.6仙，上升54％，P/E七點四倍，目標價5元。大唐發電（991）估計今年每股獲利14.1仙，減少51％，P/E十七點五倍，目標價6元。鞍鋼（347）估計今年每股獲利1.477元，升41.9％，P/E二點一倍，目標價9元。安踏體育（2020）今年每股獲利33.4仙，升56.4％，P/E七點六倍，目標價3.8元。東風集團（489）估計今年每股獲利44.7仙，上升2.2％，P/E三點二倍，目標價3.6元。維達國際（3331）估計今年每股獲利13仙，升24.5％，P/E十四點三倍，目標價3.1元。

中國冇辦法jump start美國
依家通街都係棄嬰，唔少母親倒沖涼水出街之時，連baby都倒埋出去；不過，執棄嬰返屋企養之前，請問吓自己有冇咁嘅負擔能力？小心以為抵買，點知愈買愈低。

金融海嘯不但湧到亞洲區，亦湧向中東海灣國──杜拜、沙地阿拉伯等；呢D國家股市自今年8月起便大幅回落。如油價跌穿55美元，唔少中東產油國將陷入財務危機。一個建基於高油價嘅海灣國家經濟繁榮，响油價由147美元大幅回落中將倒下！唔通要真神阿拉打救先得？

全球資金湧向美國三十年期債券，上周五孳息率見3.8厘，此乃1977年以來最低。相信聯邦基金利率月底可見1厘，但亦冇乜用（1932年7月美國利率亦係1厘），因仍有四百二十萬間美國住宅未售出，相等於未來九點九個月供應量，平均樓價係191600美元或2004年水平，未來應該仲有10%至15％跌幅。

日本L形經濟長達十八年（或以上），咁2007年10月開始由美國次按危機所引發嘅經濟衰退有幾長？美國經濟前景展望愈來愈憂鬱，政府挽救計劃愈來愈無反應，金融海嘯威力正向實體經濟擴散，倒閉、失業率漸漸浮現；豪宅更面對大幅劈價亦搵唔到買家，一般人到今年9月才識驚（已遲咗一年）。對沖基金被大量贖回進一步壓抑股價，令道指本周重新挑戰7800點支持，希望守得住啦。

1997年亞洲金融風暴到98年結束，因歐美經濟仍在上升；2000年科網股泡沫爆破2003年結束，因美國樓市泡沫仍在膨脹；呢個樓市泡沫爆破後，有乜嘢力量與之抗衡？美國GDP達124170億美元，人均收入為41640美元，如此超級巨無霸、如此高人均收入嘅國家，一旦倒下，有邊個能令佢重新站起來？舊年次女架四驅車因一個月無開車令電池撻唔着，我老曹細佬揸咗架Camry嚟，希望jump start小女架車，卻唔成功，原來1800cc汽車係拖唔郁2400cc汽車電池嘅。後來豐田公司車咗舊大電池來，才能jump start小女架車。換言之，美國經濟可拖動亞洲地區經濟，亞洲地區經濟卻無法拖動美國；請中國人自量D！中國2007年GDP只有22300億美元，點樣jump start一個GDP 124000億美元嘅美國？請唔好夜郎自大。中國經濟有能力jump start香港同澳門（例如2003年下半年），卻冇力量拖動美國。更何況呢次歐洲亦出事，可以講全球所有國家聯手，亦救唔到美國同歐洲（因美國同歐盟加起來嘅GDP佔全球50％以上）。

中國出口優勢繫於當年投資基建
過去三十年，中國通過成為世界工廠，輸出大量廉價商品，達致中國過去三十年GDP高速增長。如今全球面對衰退，對中國商品需求自然放緩，未來點樣保持中國GDP高速成長？珠三角地區工廠面對倒閉潮，內地股市由2007年10月17日高峰5891點回落到2008年10月27日1654點，下跌72％，房地產銷售亦節節下滑，點樣令中國GDP响2009年仍有8％增長，以便創造足夠就業機會，去消化就業總人口上升需求？1998至2000年，中國抵抗亞洲金融風暴嘅方法係提供出口退稅，投資道路、港口、機場等建設。透過擴大出口及投資基建拉動中國GDP增長，當年美國同歐洲經濟仍然繁榮，此法十分成功。今天中國嘅出口競爭優勢，部分與當年投資基建有關。

呢次又如何？今天中國基建除鐵路外，其他已上晒軌道。同1998至2000年形勢唔同嘅係，當年歐美經濟仍然繁榮，呢次卻同時陷入衰退。中國出口退稅部分恢復，影響唔大，但2008年起外貿企業都面對稅率由15％上升到25％所帶來嘅威脅。

過去東南亞國家或地區經濟經過高速增長三十年後，仍能保持經濟繁榮嘅國家地區只有香港同新加坡，兩者皆走向金融服務業發展，香港服務中國，新加坡服務東盟國（以印尼為最大）。中國未來卻不能仿效香港同新加坡，因為中國人口係香港、新加坡加起來嘅一百三十倍，係不能依賴金融服務業為生，何況金融海嘯後全球金融業進入萎縮期。

中國同日本經濟最大分別係：中國係國富民窮；日本剛相反，係國窮民富。中國政府十分富有，唔少上市大企業、政府係最大股東，但人民仍相當貧窮，2007年中國人均收入只有1700美元，只較菲律賓好DD（1190美元），甚至唔及泰國（2750美元）。响咁嘅情況下，點樣擴大內需？反之，日本人均收入35390美元，係全球高收入群，但日本1990年至今仍然無法透過擴大內需去保持日本GDP高增長。理論上，中國2007年結束GDP高增長期，並一步步下滑，情況同九十年代嘅台灣及南韓相似，而非香港同新加坡。

過去準確預測同時從中獲利嘅索羅斯，佢曾預測1987年美國股災、1992年英鎊危機及1998年泰銖貶值，而被冠以「國際大鱷」稱號。今年1月23日佢曾預測──長達六十年嘅西方經濟超級繁榮期喺2008年結束，雖然政府努力挽救，但未能阻止「黑天鵝」飛近。標普五百指數今年10月較去年10月低46.7％，唔少政府正以國家信用去擔保銀行存款嘅安全性，但次按危機影響仍沒完沒了。大摩亞洲區主席羅奇認為，次按危機對金融機構所造成嘅直接損失已顯現65％，但對經濟嘅影響只顯現咗20％而已。

內地股市出現冰火兩重天。去年10月前熱火朝天，今年10月又冰過冰雪。今第三季中國GDP增長年只有9％，第四季正忙於保八（8％增長率），明年恐怕連8％增長率都冇，因明年出口增長率大幅放緩，內需增長率亦唔大。

中國政府已出招撑樓市，後市點睇？中原地產項目總經理黃韜認為，內地樓市年底前繼續降價應毫無疑問，呢個趨勢唔會因為有樓市政策而改變。泰盈置業總裁黎振偉認為，中國樓市調整唔只係政策，而係經濟調整引發，因此不能光靠政策而回升。廣州市同創卓越房地產投資顧問公司總經理趙卓文更認為，年關過後，唔係痛苦嘅結束而係開始。唔少已簽約及付訂嘅買家，正要求銷售員延期交易，一方面為省下0.5％契約稅，同時希望享受較低貸款利息。對大多數開發商而言，新政策反而令佢地收唔到錢，要等到11月1日新政策生效後，才有機會收錢。有人擔心用房貸救樓市反而將內地銀行放响唔安全嘅地位（萬一未來樓價跌幅大於20％點辦？）。從整個經濟大勢上睇，內地樓價調整唔係一兩年嘅事，開發商早準備三、四年嘅調整過渡時間。睇嚟內地房地產寒冬不但未過去，反而只係剛開始。

10.29: 上证指数实战分析与策略
日线資金持平。
10.28日线“出现”买入结构转折（但未形成）。
----------------------------------------------
留意13:30的回吐强度。
分时Osc负扩张，除非日线收破1865，否则上升只是反弹。
上破1795短线反弹开始。上破1875转强。
分时牛熊位：2220 / 2150 。（熊）
---------------------------------------------
日线收破1865可以扭转短线跌势。
日线收低於1665，见1460左右。
日线牛熊位：2675 / 2378。
-----------------------------------------------
（10.13）399106，399300日线“出现”大级别的买入结构转折。
（10.10）周线“出现”买入结构转折。
（09.18）<<< 下周将是全球金融市场重要的一周。>>>
（09.05）周线收破2285，见1670左右。
（08.09）9月月线有机会“出现”买入结构转折。（09.26）“出现”.
（08.01）如果月线收破2570可能见1508左右。
-----------------------------------------------
阻力:1795/1875/1925-50/1980/2045-80/2100-15/2130-35/2175-95* /2205-10
支持:1675/1630-40/1508-24

2008年10月29日
次按危機進入第三階段
曹仁超
10月28日

，周二。恒生指數升1580.45，收12596.29；成交660.5億元。10月期指升1298點，收12446點，低水；11月期指升1322點，收12405點。期指倒掛現象又出現，係咪反彈市話咁快就玩完？

證監會發現，唔少對沖基金經理提供畀投資者嘅每月報告資料並唔準確，並就此提出警告，引發今天嘅補倉潮。

日本政府宣布限制裸空，因過去五個交易天日經平均指數下跌18％，至二十六年新低。今天日經平均指數開市初期跌2.4％，收市升6.4％，見7261.92。日本政府响10月26日向各銀行注資10萬億日圓（1070億美元），加強日本銀行嘅資本充足比率。

中國擴大內需無助GDP增速
代表恒指嘅四十二隻成分股，股價較一年前跌60％，單係本周一就跌咗15％，為1989年天安門事件後跌幅最大嘅一天，依家市值係賬面值一點○五倍，為1998年9月以來最低，相信係今天恒指上升14％嘅部分理由。工商銀行（1398）升16％（周一跌11％），但市值仍只有賬面值一點五倍，P/E七點九八倍；長實（001）市值係賬面值零點六倍，為2006年4月以來最低，今天升17％（過去四個交易天跌22％）。

不過，霸菱資產管理基金經理Hayes Miller唔建議現階段增持港股，理由係港人對2009年純利估計仍太樂觀，雖然恒指P/E只有七點七倍。TCW集團環球策略員Komal Sri Kumar認為，一旦次按危機結束，全球經濟又再增長，去年佢對港股悲觀，現階段開始認為有吸引力。IMF估計，2009年香港GDP只上升3.5％。

今年3月至今，响不足七個月時間裏面，分析員對2009年標普五百純利估計一減再減，最新數字係較今年3月時估計減少40％（或較2008年純利下降10％），可反映分析員今年3月對後市仍相當樂觀，而依家係咪過分悲觀？

第一次全球性衰退2009年開始？從長期道指走勢睇，每上升十五至二十年便會出現一次大調整。1982年開始上升嘅道指响2000年1月見頂回落，2002年10月回升，到2007年10月又再次見頂；呢次回落會否引發全球大衰退?!

中國經濟結構係39─37─37（部分互疊），即資本投資佔GDP 39％、內部消費佔37％、出口有關業務佔37％。美國經濟係19─70─13，內部消費佔70％。由此可見，中國擴大內需對GDP增長率影響唔大，一如美國擴大出口對GDP影響唔大嘅理由一樣。中國未來資本投資除鐵路外，其他項目已接近飽和；出口增長率明年起亦大幅放緩，只擴大內需對明年GDP增長率影響有幾大？

今天滬深三百指數上升3.09％，收1705.82。

1978年中國實施改革開放政策後，大大推動環球化進度──資金、技術及商業上嘅know-how，由美國及其他OECD國家向低工資嘅新興經濟國如中國、印度等地區轉移，形成所謂供應鏈。透過電腦、互聯網、航運將消費市場（例如美國同歐洲）訊息即時傳到新興經濟國，佢地收到訊息後生產T恤、波鞋、電器、電子產品，然後運往消費國出售，首十年係OECD國家投資新興經濟嘅周期。

新興經濟國嘅生產設備漸上軌道，加上基建項目如碼頭、公路、發電廠投資配合，漸漸成為出口大國，令OECD國家人民生活水平上升（因產品價廉物美，更多人可以享受廉價產品）及提供就業（服務業例如沃爾瑪百貨、貨�