香港恒指期货：日线“出现”买入结构转折及MOB支持，MOB不破，有反弹机会。但是，近期不能站上16300之上，有可能见11300左右。

2008年10月10日
誤買毒債值得同情
曹仁超
10月9日，周四。恒生指數升511.51，收15943點，成交608.7億元。10月期指升637點，收15925點。技術上睇周五港股上升機會仍大，後市有條件重返16000點以上；相信只係一次反彈，而唔係熊市見底。

花旗集團認為，中國減息不利內地銀行業，但可刺激股價上升，另推介江蘇寧滬（177），估計今年每股獲利33.7仙，升4％，P/E十一點八倍，目標價6元；中通服（552）估計今年每股獲利27.1仙，升26.3％，P/E十點五倍，目標價7元；第一太平（142）估計今年每股獲利7美仙，升23.6％，P/E六點八倍，目標價4.6元。

根據Thomson路透報道，美國連續九個星期冇新股上市，係1980年以嚟首次咁長時間冇新股上市。9月份全球只有二十二隻IPO，集資2.377億元，係1990年11月以嚟最少嘅月份。

澳元下跌有利經濟
八國聯手齊減息，因為各國政府擔心全球金融業Meltdown。日本仔Unwind利差交易，不但刺激日圓滙價上升，亦令全球冇咗廉價資金供應（1990年至今，日本係全球最大廉價資金來源）。IMF估計，全球明年經濟將陷入衰退（即GDP升幅少於2.5％），因金融危機令美股投資者蝕咗14000億美元。日本仔Unwind利差交易後，澳元係最傷，但對澳洲經濟係好事；今年我老曹原本計劃去大堡礁睇珊瑚，因澳元太貴而取消。澳元跌番後，明年可帶埋太太到澳洲睇珊瑚。SCG估計，未來1英鎊可兌3澳元（希望佢嘅分析冇錯，因為唔少港人有子女喺澳洲留學讀書，澳元回落可減少負擔）。

今年10月已係深秋，紅葉從樹上落下，股價亦一樣。聯儲局決定直接向美國企業提供貸款，呢樣係大蕭條後首次；聯儲局自己擔當銀行一職，令美國銀行股股價進一步下跌。美國商業票據上月減少40％，因私人基金流走5000億美元，政府注入3800億美元（嚟自iMoney Net Inc.資料），本周二最少有一間公司發行兩星期商業票據（7厘息），甚至GE亦要出5厘息（過去只要2厘到3厘）。睇嚟麻煩仲未減少。

經濟策略改變係代表大方向改變，例如三十年代羅斯福總統嘅New Deal，為資本主義引入社會主義嘅福利制度；七十年代後期英國嘅鐵娘子主義及八十年代初期嘅美國總統列根引入貨幣主義（Monetarism），成功控制通脹後，再透過減息及增加貨幣供應，帶嚟八十年代至家吓嘅繁榮。踏入2000年，科網股泡沫爆破，能源及商品價格狂升；加上2006年樓價回落引發去年次按危機，無論英國或美國政府早已變成跛腳鴨。隨住「兩房」被託管、雷曼兄弟破產及7000億美元挽救計劃未能令股市穩定落嚟，相信美國大選後經濟策略又唔一樣。愈嚟愈肯定由1982年起透過減息，增加貨幣供應、刺激股市同樓價上升、擴大信貸及製造消費需求，達致經濟繁榮嘅貨幣政策玩完。未來會唔會出現羅斯福總統式嘅New Deal（即向富人抽重稅補貼窮人）？明年美國大選後可明朗。

日本日興資產管理公司大中華區總裁宮里啟暉認為，華爾街金融危機已席捲歐洲及全球其他地區。對金融市場所造成嘅破壞，迫使各國政府加強對金融機構監管，搵出風險所在並推出法律去約束金融機構經營活動。對創新金融產品市場而言，無疑係一個打擊，代表成個金融業將會經歷二至三年寒冬期。

金融危機損壞咗融資渠道，已對其他行業產生影響。美國政府自1990年起過度自由經濟模式，到二十一世紀已漸失控，監管力度唔夠，對幾十萬億嘅虛擬經濟監管不足，搞到次按危機爆發，家吓仲無法準確預測其影響。能夠預見嘅問題係：一、銀行為規避風險而緊縮銀根，令全球進入信貸緊縮期；二、金融危機對日本亦有影響，因日本金融機構揸住唔少嚟自美國嘅金融衍生產品。今後日本投資者唔再信賴呢D機構，亦導致日本金融股價大幅下跌。呢種情況非日本獨有，只係較其他國家嚴重，因資金回流日本，令日圓急升加快日本經濟下滑。

金融市場迷失方向
美元減息令利差交易利潤大減，導致資金回流日本，不但影響日本產品出口，同時亦令日本海外利息收入同投資收益大減（日本已唔只係出口大國，亦係一個投資大國）；加上日本人口老化甚至減少，無法擴大內需，以及日本政府債台高築等，亦無法再投資刺激經濟。

展望未來，美國八十年代開始嘅貨幣政策下嘅市場經濟模式再次受到質疑，短期內又冇新模式出現及取代，國際金融市場會有一段日子將迷失方向。

呢次次按危機，2005年不履行合約率5％，但到咗去年已升至13％，今年更達到25％。更嚴重嘅係呢D次按債券透過CDS，即有公司提供擔保，例如AIG、「兩房」及唔少銀行，令人有放心購買嘅感覺。家吓不但不履行合約率急升，同時提供擔保嘅公司自己都破產，引起銀行存款戶恐慌而提款；而且銀行間缺乏互信，令股市出現急速下滑。

英倫銀行宣布，提供2000億英鎊去改善流動性，然後動用500億英鎊注入有問題銀行，另為2500億英鎊中長期債券提供擔保；即英倫銀行共動用5000億英鎊，規模較美國嘅7000億美元挽救計劃更大。

滙控（005）一級資本比率7.7％，佢話唔使政府資金亦可達到8％水平；巴克萊嘅比率6.3％；皇家蘇格蘭銀行、萊斯及HBOs嘅比率略低於6％，估計政府只要250億英鎊便能令呢D銀行嘅一級資本比率達8％安全水平。

與英國唔同，美國政府係向銀行購入不良資產；反之，英倫銀行係直接注資各銀行換取股份。即英倫銀行有機會賺錢（如日後股價上升）。不過，成個金融市場進入去槓桿化（Deleveraging），即未來金融業size較家吓細！喺過程中出現痛楚係無可避免，為減少痛楚，英倫銀行已宣布減息半厘。

2003至07年投資者受貪婪推動而作出大量幾傻嘅決定，尤其喺房地產方面，似乎肯定樓價只升不跌；有錢嘅投資者則透過對沖基金經理，提供大量流動資金畀貪婪投資者去做傻事。今年突然之間恐慌成為主導，成個市場開始Unwind，有冇連埋BB將沖涼水倒掉？唔少優質股股價已較高峰時回落50％；野草燒盡後，土地又再肥沃，一旦春回大地，又再野花處處，周而復始，循環不息。

歐美注資作用好短
去年一百萬單倒閉事件中，只有六十二萬單同次按有關；未來十八個月共有二百萬單次按貸款須重新安排，到時會唔會出現三百萬單倒閉？由信貸推動嘅經濟繁榮期由1982年開始，去年10月結束。我地面對嘅唔係和暖嘅冬季，而係零下二十七度嘅嚴寒。黃金歲月已結束，寒冷歲月由去年11月起已開始，何況未來將愈嚟愈凍。可憐唔少投資者只有一條泳褲，點樣頂住零下二十七度嘅嚴寒？美國房地產泡沫爆破所產生嘅金融黑洞，正喺度吞食一切，7000億美元挽救計劃又算得咩？更何況美國金融危機已迅速向歐洲蔓延，喺歐洲造成另一個黑洞。歐美兩大經濟體系已佔全球GDP一半，更何況日本至今經濟仲係唔生唔死。

美國嘅銀行同歐洲嘅銀行互相之間唔再信任，造成資金唔流暢，情況好似一個患心肌梗塞嘅人，如果唔及時醫治，最終導致死亡。家吓單靠各國央行注資及減息，好似採用緊氧氣筒呼吸，咁可以頂幾耐（或股市反彈可以維持幾耐？本周澳洲央行減息1厘，澳洲股市上升一天）？中國GDP亦由去年年底11.9％增長率走向明年8％，低於過去三十年平均年增長率9.8％（台灣由1958至91年保持三十三年平均年增長率9％後，1992年起大幅回落；到去年，喺過去十五年平均每年GDP平均增長率只得4.5％）。中國係咪走上台灣之路？再睇睇泰國持續三十一年高增長後、印尼持續二十九年高增長後，以及馬來西亞持續二十七年高增長嘅情況。1997年亞洲金融風暴後，泰國及印尼過去十年GDP年增長率只得2.7％；馬來西亞好D仲有4.5％。中國經過連續三十年GDP增長率平均9％後，明年保8%增長率亦有問題。中國經濟改革研究基金會國民經濟研究副所長王小魯等人估計，中國未來平均年增長率為6.21％；世界銀行高級副行長林毅夫等估計係7.08％。儘管結果唔同，但相同點係中國經濟高增長期係去年結束，另一問題係去年中國人均GDP亦只有2000幾美元，喺咁低收入下，如未來GDP進入低增長期，中國所面對嘅壓力，等同1997年東南亞國家面對亞洲金融風暴一樣。

人民銀行10月8日宣布減息0.27厘，存款準備金減少0.5％，係一個月內第二次調低；同時個人所得稅中儲蓄存款利息稅率由去年8月15日20％下調至5％後，呢次免收。即中國亦步入免利息稅期，對明年經濟幫助有幾多？

目前三個月、六個月、一年、二年、三年及五年存款利率為3.15％、3.51％、3.87％、4.41％、5.13％及5.58％；六個月、一年、一至三年及三至五年貸款利率係6.12％、6.93％、7.02％及7.29％。五年以上係7.47％，睇嚟幫助唔大。

為期五天深圳房地產秋交會閉幕，秋交會期間全深圳市共成交三百一十七套一手住房。

上海秋季房展亦閉幕，一連四天上海共成交住房八百二十一套，較兩年前下降40％。

三方面出現問題
內地房地產已感到秋意；對發展商嚟講卻係秋風秋風愁煞人。

其他主要城市房地產市場交易一樣低迷，包括北京、天津、重慶及杭州。北京交易量較去年同期下降44.9％、天津下降66.43％、重慶下降83.55％及杭州下降64.95％。踏入10月首七個交易天成交量令發展商完全失望。

由於我老曹一直冇同讀者推介迷你債券，實在唔想多講嘢，但隨住事情發展，又有不吐不快之感；我老曹批評證監喺審批過程中實在疏忽（可能鬼子佬中文唔好），呢D產品明明係票據（Notes）點解批准各銀行以債券（Bonds）名稱出售？如果標明迷你票據，而唔係迷你債券，係咪會有咁多人受騙？第二應批評金管局實在監管不力。請問各銀行推銷呢D產品職員中，有幾多人已考到財務策劃師牌照？任由冇財務策劃師資格嘅職員向銀行客戶推銷金融產品，就好似醫管局任由非醫生人士喺本港行醫一樣；第三批評本港各銀行作風，呢D產品推銷對象應係資深嘅投資者（即有100萬美元或以上），而唔係一般散戶，呢類連推銷者自己都唔太明嘅產品，又點可以向一般散戶推介？可以話銀行係濫用客戶對銀行嘅信任。請問銀行內有幾多職員向客戶推介時，用咗等同定期存款呢句說話？職員無知因佢地唔係財務策劃師，但銀行客戶值得同情，好似飲牛奶人士唔一定知道牛奶有毒嘅道理一樣。

莎士比亞早喺十六世紀曾話過：「唔受監管嘅自由就係狂野。」馬克吐溫喺炒股失敗後亦話：「太多人假借自由之名而行不義。」自由經濟唔係冇皇管，1990年起美國政府逐步放寬對銀行監管原本係好事，但到二十一世紀濫發衍生產品時，仍唔管住佢，而任由市場走向就係狂野。我老曹一向信奉自由經濟（第一篇為《信報月刊》寫嘅文章就係介紹無形嘅手），但反對唔受任何監管嘅自由。喺自由之上必須嚴格執行「法律與秩序」（先有Law and Order才有Liberty，如果唔係就變成放蕩主義）。

我地不能指責投資者因對產品唔認識而要負上責任；一如我地不能指責飲奶者對牛奶唔認識而飲咗毒奶嘅道理一樣。迷你債券苦主值得同情與支持，但佢地亦不應犯法，應循法律途徑追回自己損失而唔係採用任何非法手段，相信公道自在人心。喺外國，呢類產品係唔可以向散戶（少於100萬美元流動資產者）推銷；而非財務策劃師亦唔可以向別人推銷財務產品。希望銀行界今後唔好為咗佣金，而濫用客戶對銀行嘅信任。商譽得嚟不易，失去卻好快。

希望政府及銀行界同迷你債券苦主盡快達成大家可接受嘅協議，以免影響香港作為世界三大金融中心嘅地位。

2008年10月11日
萬四漸見支持
曹仁超
10月10日，周五。日本第二大地產公司三菱地產跌9.1％，因New City Residence Investment Corp破產，該公司負債高達1124萬億日圓（11.3億美元）；大和生命亦宣布破產。

恒生指數一度見14398點，十分接近9月7日研討會我老曹所講嘅最差估計（詳情請參閱10月份《信報月刊》），收市14796點，跌1146.37，成交693.7億元。10月期指跌992點，收14933點，高水，進一步證明14000點有支持。

美國通用汽車股價跌至五十八年內最低，福特汽車跌至二十六年最低，因9月份美國汽車銷售減少27％，係1991年以來最大跌幅。通用汽車跌31％，見4.76美元；福特跌22％，見2.08美元。通用汽車票據家吓有34厘息，福特22厘息，但投資者擔心冇息派。

道指短期下跌空間小
花旗放棄收購美聯銀行，讓咗畀富國銀行，收市後美聯銀行升36％，富國銀行升3％。技術上睇，道指亦進入支持區。

美國經濟已進入財富破壞期，去年11月至今美國人共失去6萬億美元嘅財富！

1979至95年聯儲局貨幣政策跟足貨幣學派嘅策略（monetarism），即貨幣供應唔會大於經濟增長；上述政策1995年2月起改變，貨幣供應年增長率達9%，GDP同期增長率只有5.3%，但通脹未被引發，主因係同期美國以互聯網及手機科技為主，而上述項目好容易外判，因此並冇引發通脹。但2001年起不但美國經濟增長依賴房地產，其次係各國亦跟隨美國貨幣供應上升，而且速度大於GDP增長率，因此引發全球性通脹。

1995年2月道指喺3953.54，1995年第一季美國GDP為7.298萬億美元；估計今年第三季14.45萬億美元，即較1995年第一季上升98%，以此計算，道指合理水平應喺7829點。換言之，道指响7800點便合理，依家道指仍偏高10%左右，即道指8000點可作中長線投資，短期下跌空間已不足10%。

花旗推介恒鼎實業（1393），估計今年每股盈利67.8仙，升82.9%，P/E二點八倍，目標價3.5元；神華（1088）估計今年每股獲利1.423元，升37.8%，P/E九點一倍，目標價19.3元；中煤能源（1898）估計今年每股獲利71.5仙，升39.4%，P/E七點一倍，目標價6.3元；兗煤（1171）估計今年每股獲利1.791分人民幣，升173%，P/E二點九倍，目標價6.75元；巨騰（3336）估計今年每股獲利59仙，升44.6％，P/E五倍，目標價4.2元；聯想（992）估計2008／09年度每股獲利4.2美仙，減少14.5％，P/E九點七倍，目標價4.9元；李寧（2331）估計今年每股獲利68.6仙，升51.9%，P/E十六倍，目標價23元。

滬深三百指數跌4.43%，見1906.96。十一黃金周已過，深圳秋季房地產交易會上每日成交只有六十三套，秋交會期間全市一手房成交只有三百一十七套；二手房更慘不忍睹。金融危機已殃及中國樓市，一線城市全面淪陷；京、滬、深、穗住宅成交量都降至冰點，成為有史以來最冷嘅「黃金周」。高盛估計，國內房屋庫存需要二十二個月才能消化。中信證券調查指出，消費者心目中嘅合理房價為當前房價低25%。

紐約大學Nouriel Roubini 教授10月9日又有發言，佢認為美國及先進國家金融制度正面對系統性溶解（meltdown）。最先係影子銀行系統（例如股票經紀及非銀行貸款公司、SIV、對沖基金、money market等），依家大致上已完成，家吓開始受壓嘅係銀行系統。銀行借入短期資金，放出長期資金（例如向客戶借入一年期以內嘅存款，借出十五年或以上嘅貸款），已面臨周轉危機。

環球衰退後天下三分
美國、英國、歐羅區、加拿大、日本、澳紐等先進國家共佔全球GDP 55％，今年夏季開始已面對信貸壓碎（credit crunch），相信明年春季前引發經濟衰退。至今為止未見分道揚鑣（decouple）出現，新興市場經濟所受影響較先進國經濟更大，尤其係嗰D有較大收支赤字或較大財政赤字嘅國家，經濟更加脆弱。四金磚國更面對硬着陸，貿易增長率大幅減弱，恐怕不但只引發衰退，更加係金融危機。

危機嘅形成嚟自高槓桿比率嘅資產泡沫，不但喺房地產，而且喺金融機構過度借貸下產生嘅股市泡沫、對沖基金泡沫、信貸泡沫、商品期貨泡沫，令人擔心上述泡沫同時爆破，將引發自大蕭條以來最大一次去槓桿化。「衰退號」列車剛剛離站，未來到底係短而淺嘅V形衰退，定係長而深嘅U形而且維持兩年或以上？甚至係日式嘅L形長達十三年嘅衰退？仍未能預計。

今年3月貝爾斯登被300億美元收購後，股市出現反彈，但只維持八星期；7月份「兩房」被託管，股市反彈四星期；但到雷曼兄弟破產、AIG被接管，即使推出7000億美元挽救計劃，股市亦反彈乏力，因為信心已崩潰！就算10月6日七國聯手減息，亦只有小部分地區股市反彈。依家股市肯定超賣（但超賣唔係睇好嘅理由），因為我地正面對一個系統性崩潰及環球性衰退，將會大大改變家吓嘅經濟政策及領導權（例如日本估計未來將出現三分天下，即由美國、歐盟及中國取代美國一國獨大）。

一如今年2月Nouriel Roubini教授估計，金融系統進入分十二階段嘅溶解期，依家完成第九階段（影子銀行系統出大問題），進入第十階段（股市狂瀉反映全球面對大衰退）；第十一階段係資金乾涸，衍生市場成交銳減，令銀行同業拆息高企，大量企業倒閉，相信今年12月至明年1月發生；最後引發賤賣資產、信貸收縮，令市價較基本價值還便宜，大量margin call出現，以及大量企業被金融機構切斷「信貸線」（企業根本上借唔到蚊年），整個金融系統溶解期才完成。社會進入銀行唔信企業拒絕貸款期；企業為本身「有毒投資」作大幅撥備……至此，經濟進入低潮，然後有問題銀行合併或被收購，無問題嘅銀行增加資本，另一經濟上升期又開始。

美元利率去年9月開始回落；太陽去年10月開始從華爾街回落。呢回唔係《日落巴黎》（戲名），而係「日落紐約」，擔心下一步係日落倫敦甚至香港，因為近幾十年無論紐約、倫敦及香港經濟皆過分向房地產、商品期貨及金融業傾斜，當地產，金融、商品期貨同時爆煲下，自然出現日落，一如2000年科網股泡沫後硅谷出現下沉嘅道理一樣。呢次歐洲央行減息，係2001年9月11日以來首次。

各位要記住以下三招：一、追隨市場趨勢，學習Top down及Bottom up技巧，當股市向下時，努力減少虧損及增加手上現金。二、急急止蝕，任何時間如回落15％必須考慮止蝕，如回落20％便唔使再問理由止蝕（有人用5％及10％止蝕，我老曹唔同意，因為太敏感好易震出）。三、反彈如小於15％可以不理。上述三招已可保閣下平安。

當惡性拋售完畢，基金經理會自分辨邊D企業純利係十分脆弱（例如銀行業內嘅非利息收入、地產股中來自物業重估、公司投資嘅股票收益等等）。反之，如果企業純利十分鞏固，甚至响衰退期一樣可以存在，日後呢類股份嘅股價自然可以反彈。

揸100%現金做空軍有心理包袱
太陽陳來電批評我老曹過去嘅「三七分」策略。既然確認係熊市，點解仲揸住30％股票而唔做「空軍」？响邏輯思維上，太陽陳嘅批評絕對正確，但感情方面人人有包袱，揸100％現金然後做空軍，又有幾多人可做到？我老曹接納太陽陳嘅批評，但唔會改變依家嘅「三七分」策略（事實上家吓已變成八二分，因去年10月份30％資金購入嘅股票依家已跌咗40％，變成只佔全部資金20％）；至於做空軍係極之專業嘅行為，相信好少散戶可以過心理呢一關。

各國向金融系統注資令貨幣供應上升，點解我老曹卻睇通縮？因為貨幣流速（L Velocity）响度減慢。即貨幣由甲轉到乙、再由乙轉到丙嘅速度放緩，呢種影響力更大於貨幣供應上升。情況有如退潮令近岸嘅船隻大部分擱淺（海水冇減少，只係流走咗）。去年11月起我地面對流動性資金退潮，情況同2001至07年初相反，當年喺漲潮下，百物遲早升值。

油價回落，OPEC將於11月18日開會決定會否減產？機會唔大（或明減實加），因為俄羅斯及其他產油國亦需要現金。例如委內瑞拉國有化工業股需60億美元，伊朗所需資金更大，仲有阿聯酋、科威特今年响股票投資上虧損3500億美元。估計明年油價跌穿80美元、見75美元嘅機會好大。

英國人响Icesave Internet bank有三十幾萬個戶口，英國政府為上述戶口提供5萬英鎊保證，因此英國政府打算控告冰島政府，要求賠償損失！冰島四大銀行外債超過1000億美元，冰島一年GDP只有140億美元，過去依賴外債去維持每年GDP 5％增長。而冰島政府外滙儲備少於30億美元，擔心冰島政府將成為首個破產嘅政府（各位唔好以為政府就唔會破產！）。

瑞信相信，加元將於10月29日減息半厘，12月9日及1月20日再減息至只有1.5厘，因加國經濟已步向衰退。

上海銅價、鋅價跌停，分別報43890元人民幣及11825元人民幣。

截至9月底止，估計全球共拋空45000億美元。各國央行為支持本土銀行及股市，已動用17000億美元，由此可見美元短缺嘅情況，如非美國聯儲局近日大量提供美元，擔心美元滙價升幅更大。估計未來幾年全球各主要大銀行仍需6750億美元去增加資本（因歐洲銀行為投資項目撥備50％以上，必須擴充資本）。過去幾年有人空美元揸歐羅、空美元揸英鎊、空美元揸……家吓引發平倉潮。美元兌歐羅7月至今上升15％仍未足夠，瑞信估計第四季美元升幅仍十分大。

全球齊齊減息，令日圓利差交易unwind，造成日圓強勢；估計2009年日圓利差交易額大幅下降，將令歐羅、瑞郎、澳元、紐元及英鎊面對好大沽售壓力，擔心各國貨幣兌日圓明年仍貶值，令日本經濟重陷衰退。

以大型頭肩頂結束美國光榮歷史
信貸危機至今只出現十四個月，而股市只下跌十二個月，標普五百跌幅已達38％（戰後平均熊市跌幅31％），1973至74年跌幅為48％，2000至02年跌幅為49％。未來下跌空間仲有幾多？有一百五十八年歷史嘅雷曼亦破產，全國最大證券公司美林則被美國銀行收購，全球最大保險集團AIG要政府注資，仲有乜嘢衰嘢未浮現？美股由2000年起正形成一個大型「頭肩頂」，估計喺7500至8000點附近獲支持，然後再形成右肩，去結束美國過去一百年嘅光榮歷史（一如第一次世界大戰前結束英國嘅光榮歷史一樣）。未來世界唔再係一國獨大，而係鼎足而立（美國、歐洲同中國）。喺美國，投資股票及物業可發達嘅最後一次由1982年開始、2007年結束共二十五年，未來一如1990年後日本走下坡。過去一年如你冇Take shelter或Cover up，今天又可以怪邊個?!過去一年唔少藍籌股跌幅由30％到60％不等。展望2009年我地將進入衰退期，呢次衰退期有幾耐？冇人事前可知道（日本1990年嗰次係十三年、香港1997年嗰次係六年）。

美股連跌七個交易天，對標普五百而言係1996年以來跌幅最大、為時最長嘅下跌日子，金融股已跌至近十二年低位！財長保爾森更警告會有更多銀行破產！取消裸空後，周四美股又再狂瀉，股市漸漸進入非理性拋售，係咪接近底部？讓市場自己話你知。經過呢輪惡性拋售後，投資者元氣大傷，日後復甦需時。

美國陷衰退機會近九成
經濟分析員認為，美國將陷入衰退，BNP百利達分析員Brian Fabbri認為，「We're in the middle of a very dark tunnel, each day we see another crack in the system!」五十二位分析員估計，2008年第四季及2009年第一季美國GDP將出現負增長，未來十二個月出現衰退機會高達89％（上月調查認為只有60％）。下屆總統1月上任首要任務係刺激經濟，如奧巴馬獲選，將採用高稅政策去支持政府開支，形成明年上半年經濟仍受打擊，屆時才係股市低潮。

High Frequency Economics主要分析員Carl Weinberg接受彭博訪問時話，面對美國經濟即將陷入衰退，貝南奇手上嘅武器就係減息及向銀行系統注入資金。標普五百指數由去年10月至今跌幅已達38％、道指跌幅已超過30％。減息半厘後，貝南奇仲可以從佢嘅帽中拎出幾多隻小白兔？Discover Financial Services每月向超過一萬五千位成年人調查佢地嘅消費習慣，發現9月份消費者開支指數較8月份下降2.2％，5.5％受訪者認為今年9月較去年9月更差。沃爾瑪公布9月份銷售只較去年同期升2.4％；中價零售商J.C. Penney公布9月份銷售較去年同期減少12.4％。

美負資產家庭或倍增
The Boom Years Are Over！股票市場十二個月前已見頂，美國零售業今年第三季銷售才減少，理由係美國人响股票市場失去接近5萬億美元市值，再加上物業市場跌價。《華爾街日報》估計，依家每六個物業擁有者中有一個係負資產！美國約有七千五百五十萬個家庭擁有自住物業，即家吓約有一千二百萬個家庭陷入負資產狀況，而樓價仍繼續回落。由於過去八年美國人收入並冇上升，理論上樓價亦不應上升，但事實並非如此，理由係利率下降加上信貸寬鬆，所以樓價2002年起一直上升，雖然2006年第三季開始回落，但仍較2000年高出20％。穆廸嘅Economy.com估計，如樓價重返2000年水平，美國物業擁有家庭三個中將有一個係負資產！

忽然之間，美國證監會認為自己應該做D嘢嘅，所以決定阻止別人裸空，令對沖基金經理急急平倉，股市喺7月份反彈。平倉後基金只有拋售所持優質股（因為不能透過拋空低質股去對沖），結果8月份股市又回落。9月份投資者認為既然對沖基金亦唔准拋空，點解仲要揸對沖基金？引發咗9月份新一輪拋售期。今天美國證監唔准裸空嘅行為取消，不但未能阻止股市下跌，反而進一步推跌股市。拋空喺美國一向合法，忽然之間變成唔合法；至今人人莫名其土地堂？John K. Galbraith响佢嘅The Great Crash, 1929中咁樣描述：响跌市中總要搵D代罪羔羊，拋空者就因此成為被指摘對象。

兩位UCLA經濟學家研究指出，1929年後美國衰退期長達十五年（日本1990年起股市回落期共十三年）2007年11月起嘅美國衰退期又點？UCLA經濟系副主席擔心美國呢次衰退會否長達十至十五年？

2008年歡迎大家進入「梅菲」市場。梅菲博士認為，「anything that can go wrong, will go wrong.」（任何事物可能出錯者，最後都會出錯）。2007年11月起股市有如拿破崙從莫斯科撤退，沿途受到俄羅斯軍隊攻擊，愈來愈多人希望退出股市，令任何一次反彈都唔長久。唔少人希望自己今年Sell in May（如去年10月冇出貨嘅話），可惜時光不能倒流。

熊市只完成三分一
Bert Dohmen係美國知名嘅股市評論員，去年寫咗一本書叫Prelude to Melt down，預測全球金融業解體……今天嘅情況一如佢估計。我老曹認識Bert Dohmen已係1990年嘅事，，呢位鬼佬居然响1990年去北京旅行睇睇中國情況，順道經香港。响朋友介紹下，我老曹充當佢嘅嚮導，帶佢欣賞香港夜景，佢太太係西班牙人。我老曹招呼佢兩個到香港知名西班牙餐廳Amigo，而且談笑甚歡，大家不約而同睇好中國同香港經濟前景（1990年嗰年唔少人睇淡），我老曹亦因此成為佢嘅投資通訊嘅讀者。1997年亞洲金融風暴，我老曹亦將香港嘅情況講佢知，協助佢了解香港嘅情況，並進一步增加彼此了解。

十五個月前Bert Dohmen寫咗一篇「don't listen to all the Pied Pipers of Wall Street」（唔好再聽信華爾街大行嘅吹笛人），我老曹亦有同感，去年8月起我老曹亦响香港叫大家小心！佢從事分析業三十一年（我老曹比佢老資格少少，共四十年）。我老曹今年放假前，曾問佢對後市點睇？佢話：「It's only the 3rd inning.」（如你有玩美式棒球，便知道一場賽事共有九個inning），即家吓只係第三局，熊市只完成三分之一。

Bert Dohmen今年聲名大噪，你經常可以喺CNBC、Neil Cavuto Show、Louis Rukeyser's Wall Street Week及CNN Moneyline睇到佢。佢接受華爾街及商業周刊等訪問時風頭幾勁，唔知有冇忘記我老曹呢位喺1990年認識嘅香港朋友，以及當年曾請佢飲嘅紅酒（當年賣6000港元一枝，然今時今日幾萬蚊都買唔到也）。

10.13 : 上证指数实战分析与策略
日线資金持平。
（10.09：收低于6/4DMA，转弱。）
周线“出现”买入结构转折。
----------------------------------------------
分时牛熊位：2220 / 2150 。
上破2080可展开反弹。
下破1963，见1815左右。
---------------------------------------------
日线收破2073，可见1852左右。（10.10：失守。）
日线牛熊位：2675 / 2378。
-----------------------------------------------
（09.18）<<< 下周将是全球金融市场重要的一周。>>>
（09.05）周线收破2285，见1670左右。
（08.09）9月月线有机会“出现”买入结构转折。（09.26）“出现”.
（08.01）如果月线收破2570可能见1508左右。
-----------------------------------------------
阻力:2035-40/2105-10/2130-35/2185* /2205-10/2225-30/2245-50/2270/2330-40/2360-75/2480-2510
支持:1925-50/1890-95/1820-30/1735-65/1670/1508-24

2008年10月13日
熊市中三個建議
曹仁超
10月12日，周日。過去一年證明追隨趨勢大勝價值投資法。喺股市中賺錢或蝕本最重要係Timing，而唔係評估股值有幾多？幾時買入及賣出較該股值幾多錢更重要。各位忘記咗英隆事件咩？喺泡沫期，英隆價值一再上升；一旦泡沫爆破，英隆可以一文不值。入市首辨大市方向，例如到底係Top Down定係Bottom Up！2003年4月開始Bottom Up，到咗去年10月結束，然後進入Top Down期。今年3月入市博反彈，如忘記Sell in May亦幾麻煩！恒指14000點係另一個良好博反彈期，但熊市有排未完。Bargain Hunting（趁低吸納）係極之專業行為，要有森池兄智慧先得。如你只係一般散戶，最好採用小心駛得萬年船策略，只動用本金30％去玩吓。喺熊市中保本為上、賺錢次要，因次按風暴仍未過去，家吓壞賬率已高達23％（2001年8％；上述資料嚟自雅虎新聞）。甚至摩通CEO戴蒙對前景仲係悲觀，認為未來大趨勢係向下，反彈只係微波（Curve）。

要有捨得思想
道指喺2002年10月10日見7197.49，上升至9000點然後再回落到2003年3月12日7416.64才孕育牛市；今年10月10日道指見7882點後，可唔可以同樣孕育牛市？面對道指7800點，我地可以做乜？我老曹冇水晶球，但建議如下：一、如去年10月前你已賣出全部股票，依家不妨將30％資金重投股市；二、如你早已將30％資金投入股市，睇嚟除咗觀望外，可以做嘢已唔多，不如拉將凳仔坐定定睇「投資者日記」啦。當市場出現恐慌性拋售，理性分析如孤兒（冇人理）咁可憐。你可以話個市癲咗，但1974年7月至12月我老曹理性分析曾面對冷漠，從此我老曹學到一件事——喺熊市中最大責任係保本。一如太陽陳指出，喺熊市中最好100％�番F金，然後做空軍（我老曹做唔到，因為仲有感情包袱）；三、喺熊市中希望係最差投資策略，例如希望大市反彈後才減持，希望嗰樣或呢樣。喺熊市中應有佛家思想——捨得。請放棄紅塵、遁迹空門。就算唔做空門弟子亦要戒貪、嗔及癡。

喺熊市中，入市容易離市難。控制你可控制事，例如止蝕唔止賺及溝上唔溝落；管理你不能控制事。熊市當前，只有Cover Up或Take Shelter。唔好畀Wishful Thinking左右你投資分析，例如今年3月入市博反彈，到5月冇及時離開英雄，家吓已去咗浩園！恒指14000點做唔做救火隊？睇你有冇水而定（水頭充足者無妨，唔係就咪搞）。投資者有種特性叫做齊齊攬住死，死咗罷就，止蝕則死都唔制。恒指喺14000點反彈，恐怕亦係小飛俠式反彈（高極有限）。

標普五百指數連續八個交易天下跌，係1996年以嚟最長下跌日子；至今標普五百指數由去年10月高位跌幅已超過40％，以及只有十七倍P/E。周五約30億股易手係1988年第三大成交量日子。能源指數兩天回落19％及油價今年內首次跌穿80美元。摩根士丹利上周五回落22％，至十二年內低價9.68美元；高盛回落12％，至88.8美元，因穆廸重新評估大摩A1長債可能影響公司所發行2000億美元債券， 但短期債券仍獲Prime 1評級；高盛1750億美元長債Aa3評級改為負面，短期長債仍獲Prime 1。倫敦同業拆放利率高企4.82厘，升0.07厘；不過，上周五花旗回升9.1％，見14.11美元、美國銀行升6.3％，見20.87美元，以及摩通升14％，見41.64美元。不過，美斯百貨跌13％，見9.92美元，以及CBS跌20％，見8.1美元，睇嚟零售股受壓。分析員估計，標普五百指數第三季純利減少7.5％（其中金融股純利減少74％），市場擔心1930年代情況出現，我老曹認為，出現九十年代日式衰退機會更大。

美國陸續有銀行出事
過去三十天澳元兌日圓回落20％，以及紐元兌日圓回落16％，因澳洲上周減息1厘，引發利差交易unwind；一星期內由81.48日圓回落至65.41日圓，跌14％；紐元由69.76日圓回落58.74日圓，跌10.3％。加元10月3日至今回落10％，係1979年1月以嚟最大跌幅，上周五回落5.4％，見1.2125加元兌1美元，出現連續七個交易天回落。油價跌11％，見77.09美元（今年7月11日仲係147.27美元），令加元冇咗吸引力。上周加拿大TSX指數回落18％。加元10月8日宣布減息0.25厘，下次開會日期係10月21日，估計仍會減息。

日經平均指數上周回落24％、澳洲ASX200指數回落16％、恒生指數回落16％，以及新加坡海峽時報指數回落15％，喺一星期內MSCI亞太指數回落17.8％或冇咗6萬億美元市值。

全球金融市場風聲鶴唳，除日圓進入牛市外無一幸免。美國Meridian Bank及Main Street Bank上周又被接管，即今年內美國共十五間銀行倒閉，令FDIC疲於應付。8月FDIC公布，有問題銀行共一百一十七間，即陸續有嚟。

美國地方政府債券已回落四周，家吓三十年期利率5.71厘，較聯邦政府債券利率高出1.57厘。令人擔心美國地方政府Munis好快出事，相信最先係加州，佢已計劃向聯邦政府借70億美元。

全球金融市場面對兩大壓力：一、缺乏短期資金（依家主要依賴各國央行提供）；二、去槓桿化。

贖回基金拖累道指
9月美國互惠基金被贖回722億美元、股票基金435億美元及債券基金238億美元。10月至上周五互惠基金被贖回493億美元，其他方面數字未出。富達旗下管理基金今年平均損失32％，最出名麥哲倫基金跌44％。上述情況令投資者大量贖回基金，令道指上周五最低見7882點。

分析家估計，美國第四季及明年第一季GDP出現負增長（即衰退），係分析家首次公開估計衰退將出現。

美國外貿赤字收窄3.5％，因原油、汽車、電腦及電視入口減少，令入口減少2.4％及出口減少2％。IMF估計，明年OECD國家GDP增長率只有0.5％，係1982年以嚟最細，美元4月至今已上升12％。

英國富時一百指數上周五回落8.9％，收3932點，全周共回落21％，係1987年10月以後最大跌幅。英國同美國上周股票市場冇咗40000億美元市值。HBOS回落19％（一度跌28％）、皇家蘇格蘭銀行回落25％及巴克萊回落14％，傳涉及持有雷曼兄弟股份；滙控（005）宣布由其他地方調來7.5億英鎊注入英國支行，去增加一級資本比率。喺正常情況下，一級資本比率係喺9％至10％叫做健康。資本充足比率喺7％至7.5％已足夠；皇家蘇格蘭銀行需投資100億英鎊才可將一級資本比率提升到10％（花旗集團分析）；巴克萊動用50億英鎊才達10.5％水平。滙控喺香港大把水，調D水去英國已搞掂。其他英國銀行可能要政府注資。

今年3至4月，海外投資者借內地樓市低迷之際，四處尋覓優質項目。當時本報評論員認為佢地太早入市。家吓雷曼已破產，而雷曼喺2006年開始進軍中國房地產並持有鴻隆控股（1383）13％及綠城中國A股7.44％（最近公布已減少至6.65％）。摩根士丹利更早喺2003年起進軍中國及本港物業，近期亦由買家轉為賣家。九金十銀不再，中國房地產出現近年最冷黃金周。甚至香港《文匯報》亦認為今年10月內地房產已跳過深秋，直達寒冬。

廣州房管局官員認為，廣州房價大跌可能性唔大，因今年政府唔再供應限價房地塊。今年土地供應只有二點五平方公里，而唔係計劃中四平方公里。

內地新政策活化農村經濟
上海試驗農村土地轉包、出租及入股方式，令農民可以喺市場上自主或委託流轉土地。去年上海農戶承包地流轉面積達一百三十四萬三千畝，佔延包總面積53.7％。三種形式為轉包、出租及入股，其他包括互換係希望能防止地方政府變相侵佔農民承包土地，使土地流轉喺陽光下進行。

《南方都市報》認為，農村土地使用權證改革，可喚醒農村30萬億元人民幣資產。令農民有資產作抵押向銀行借錢完善土地管理，亦可明晰農村耕地及住宅地分野。給農村居民發房產證及土地使用證；家吓中國有七億三千萬農民，人均住宅三十方米，平均造價住宅係每方米600至800元，價值13萬億至18萬億；耕地十八億畝，以每畝6000到16000元計，約值20萬億元。上述政策可將農村經濟搞活。

中國國家統計局公布，第三季度全國企業景氣指數128.6，較第二季下降8.8；較去年同期下跌16.1。上市公司景氣145.6，較上季回落18.5，其中工業企業較去年同期下降17.63％。剔除石油加工及電力則上升36.27％。

旅遊業營業額上升15.46％及利潤上升3.2％；發電行業利潤下降93.6％。上海商品房9月成交量下降74％、深圳下降3％、蘇州下降6％及廣州下降16％，「九金」情況並未出現。

2008年10月13日
誰自亂陣腳？
畢老林
美股上周五緊張刺激，道指先後十六次轉向，波幅逾千點，紐約證交所全日成交一百零八億股，絕後也許未必，空前卻可肯定。

在這數小時裏，幾許財富蒸發再生再蒸發，恐怕連武俠劇《八大豪俠》中數口最精的配角「南財神」也不懂計。

個市今日會點？周末G7、G20得個講字，空談團結卻沒有實質措施，環球股市凶多吉少。不過，老畢倒覺得，各國是否一致行動還在其次，七大央行上周合力調低利率，拆息還不是照升，股市還不是照瀉？救市成效，最終還看美國。

華府幾經艱苦才說服議員通過救市方案，但國會開綠燈兩周後，財政部卻改變初衷，由動用7000億美元向金融機構買入不良資產，變為考慮效法英國直接入股注資銀行。美國三心兩意，見步行步，於此可見。

從強化資本促進銀行重新借貸着眼，直接注資應比收購「毒產」更快見效，因為不良資產定價困難，太低銀行惜售，太高則購入數量有限，事倍功半。

英國《周日時報》報道，倫敦政府已落實向蘇格蘭皇家銀行、巴克萊、萊斯TSB和HBOS四大銀行合共注資350億英鎊，倫敦證交行今日可能停市一天，讓投資者消化這項重大決定。

股市對注資反應如何，很難說。英國政府早在上周三已宣布隨時動用500億英鎊入股八大銀行，但除了滙控（005）和渣打（2888）這兩家表明毋須政府救助的銀行外，其餘六家股價無不跌個四腳朝天。如果市場認為此招對症下藥，銀行股表現不應如此不濟。老畢甚至覺得，倫敦的救市方案未見其利先見其害。

在英國政府公布作好注資準備翌日，滙控在報章廣發聲明，澄清集團財力雄厚，一級資本比率高達8.8％，參與計劃旨在支持政府和業界；為顯示對同業償付能力有信心，滙控連日來更在倫敦同業市場拆出大量資金。

周末看港報社評，發現有行家大讚滙控透明度高，其他銀行應起而效法，把財政狀況公諸於世。老畢想問，有頭髮邊個願做瘌痢，間間都是大笨象，何須政府動用公帑挽救？滙控不遲不早，偏偏在當局宣布計劃翌日登報顯實力，兼向同業慷慨解囊，不是以行動跟資本薄弱的對手「劃清界線」，難道真的為了向同業示範什麼是高透明度？

世上沒有免費午餐，接受政府注資雖可即時強化資本，但至少有三大害：一、派息須大減；二、政府成為大股東，現存股東權益大幅攤薄勢所難免；三、政府將派代表入董事局，銀行管理層或須徹底改組。滙控財政健全，閣下若是葛林、紀勤，會否接受政府注資，因小失大？

在想不出更好的辦法下，美國極可能仿效英國，直接向金融機構注資。老畢看，此舉同樣未見其利先見其害。

《紐約時報》昨天報道，民主黨議員早就提出直接入股銀行的建議，但布殊政府擔心「國有化」錢莊會令美國被看成社會主義國家，堅拒接納。

華府高層費盡唇舌，終於說服原先反對購入「毒產」的國會議員改投支持票，但兩周後即出爾反爾，重新考慮民主黨人入股銀行的建議。早知如此，財政部何必浪費時間大力推銷「毒產」方案？負責制訂救市計劃的人，事前有沒有想清想楚？

按照目前形勢，華府收購不良資產已勢成騎虎，最可能出現的情況是入股銀行與買入「毒產」同步進行。然而，如此一來，7000億美元是否足夠？

港府不斷提醒市民，風浪縱大也不要自亂陣腳，但面對環球金融海嘯，香港猶如汪洋中的小舟，身不由己；現在自亂陣腳的是美國，叫港人如何冷靜？

　　　二○○二年，布殊白宫為米尔顿．佛利民九十大寿举行生日派对，庆祝他的丰功伟绩。当时的国防部长拉姆斯菲尔德说：「米尔顿体现了这个真理：思想会產生后果。」他说的后果是指世界的经济繁荣。但是好景不长，芝加哥学派的新自由主义导致了全球性的金融危机。《休克学说：灾难性资本主义的兴起》（Naomi Klein, The Shock Doctrine: The Rise of Disaster Capitalism）一书作者脑米．克莱因说：对於佛利民主义者来说，华尔街崩盘相当於柏林墙的倒塌之於权力主义的共產主义。她说，那是对新自由主义意识形态的起诉书。

　　芝加哥大学得到两亿美元赠款基金，要建立「米尔顿．佛利民（经济）研究所」，教职员中的一批反对派邀请克莱因（她是芝大博士候选人）发表演说。一日的演说主要内容由「现在就要民主」电视节目广播。

金融肥猫报酬骇人
　　克莱因说，米尔顿主义的实质是富人向穷人发起阶级战争。富人们赢了，但是穷人们正在反击，然而富人总是赢家。金融界肥猫的报酬确实有点离谱。高盛在它全盛时期二○○六年，总报酬支出高达一百六十五亿美元，每个僱员平均六十二万三千四百十八美元。金融巨头们赚饱了之后，豪赌失败，有政府拿纳税人的钱来营救。被迫下台，还有「黄金降落伞」，例如给美林公司造成季度亏损二十亿美元的前首席执行长斯坦利．奥尼尔被迫离职，却拿到「黄金降落伞」一亿六千万美元。把雷曼公司带到宣布破產的首席执行长理查．福尔德在过去八年中，拿到薪金和奖金共计四亿八千万美元。该公司在宣布破產前一个星期，还付给两名离职高级主管近二千万美元。

　　在政府以八百五十亿美元拯救ＡＩＧ以后仅仅一个星期，它的人寿保险子公司 AIG General 就在加州帝王滩為其高级推销员举办為时一周的度假，花费了四十四万二千美元。八日，联储局宣布再给ＡＩＧ三百七十八亿美元，以补充其迅速减少的现金。而数以百万计的美国人，失业乃至失掉住房。

　　世界性金融危机正在向深度和广度发展，人心惶惶，七千亿美元救市计划挡不住股市狂泻。联储局宣布收购无担保短期商业票据，等於直接向企业贷款，也无法挽回局势，又急急忙忙宣布减息。财政部正在考虑直接入股银行，以鼓励他们贷放。

共和党人始作俑者
　　所有这一切根源就是新自由主义，反对一切规章管理。我在八十年代初在旧金山戴维．派（普）卡德（惠普中的「普」，曾任尼克逊政府副国防部长）家里会晤佛利民时（当时他在胡佛研究所），他对我说，只要货币供应量每年增加百分之四，一切都会好的。我们上周谈到列根的「政府不能解决问题；政府本身就是问题」的「政府愚蠢；市场聪明」哲学。

　　為了应对大萧条，罗斯福政府於一九三三年立法Glass-Steagall Act, 把商业银行跟投资银行分开。但是一九九九年，在克林顿任内，此法被废除。共和党人今天责怪克林顿，实际上大力推动废除案的是当时的共和党籍参议员菲尔．葛兰姆（Phil Gramm），此人就是不承认当前的严重经济危机，说什麼衰退是人们头脑里想出来的，民眾是「哀嚎的一群」。儘管此人不是麦凯恩的正式顾问，盛传如果老麦入主白宫，他将出任财政部长。就是这样一个佛利民主义的狂热信徒推动格拉斯—斯蒂格尔法废除案，并且要国会授荣誉勋章给佛利民。

　　从麦凯恩的竞选纲领看，他主张把社会安全私有化，就足以说明问题了。金融危机对共和党人不利，老麦竭力避免谈经济，他的竞选活动已经堕落到无端人身攻击的恶劣程度。尤其是他的搭档无知佩林，捕风捉影，低俗卑劣。《华盛顿邮报》专栏作家派克说她像条疯狗。

　　财长保尔森也脱不开关系。他在任高盛首席执行长时，力促证券与交易委员会免除投资银行保持储备以应付投资亏损的义务，使得投资银行肆无忌惮，把谨慎小心抛到了九霄云外。

美国早已进入衰退
　　「专家」设计的电脑模式用来衡量风险，使得贝尔斯登把负债额度推到每一美元资產净值负债三十三美元之多。这类电脑模式也是「长期资本管理」於一九九八年倒闭的原因。

　　保尔森的救市计划救了他的公司高盛。这个计划把金融界的不良资產转到美国财政部，也就是纳税人的账上。营救的是造成金融危机的冒险家，而不解决抵押贷款无力偿还的问题，拖欠和取消抵押品赎回权的案例将继续增加。

　　美国经济形势之险恶没有真实反映在官方数字。据统计学家约翰．威廉斯的计算，美国目前的失业率是百分之十四点七；通货膨胀率是百分之十三点二。实际ＧＤＰ增长率是负数。美国经济早已进入衰退。

七国集团假大空 存款全保定民心
林行止
一、
「相见无杂言，但道金钱事。」香港是个彻底商业化城市，平时「无钱不欢」，如今环球金融海啸卷至，港人无一幸免，即使最稳健者在此「人为的天灾」前洞烛先机只持黄金及非美元现款，但前者倏起倏落，令人神经紧张；后者则以信托崩溃美元虽然长印长有却因「市上无货」身价骤高而令多种货币汇价相对贬值，看淡美元者只有自叹倒霉，与众同伤。值此非常时期，友朋碰头，除了细说财富缩水惨情，还有什么可说。
世界各国及国际性组织的财金官员去周末密集开会，可惜议而不决、决而模棱两可，效用全无，比如最重要的七国集团（Ｇ七）财长去周五在美国财政部举行峰会，结果公布那项「要采取果断行动并且以一切手段避免银行和金融机构倒闭并确保能从公共部门及私营领域集资」的「五点计划」，其假大空程度不让北京专美，对世界经济和金融，不仅起不了半点积极作用，而且情况比会前还恶劣─会前人们仍存一线希望，希望Ｇ七最高财金决策者有办法度出一些救灾救难的方策，哪知其《公报》空洞抽象，难怪名家克鲁明要在其《纽约时报》专栏指电话簿比Ｇ七公报更「有趣」；他说在电话簿上不时看到一些稀奇古怪的名字，令人开怀，但「五点计划」毫无惊喜，令人恹恹欲睡！
《公报》说要向公共部门及私营领域集资，笔者以为结果只是开动「公共部门」的印钞机大印钞票─相信大破成规批准开动印钞机仿效美国印钞票度难关的国家愈来愈多。沙地王子和毕非德看来是不会再把现金掷入这个金融黑洞了，一来他们「救市」已有亏损（前者不断注资股价持续创新低的花旗银行、后者入股高盛大吃眼前亏），二来他们无法像美国政府般「有需要、印钞票」，还要对家族或股东负责，因此在各国口惠实不至（实在想不出可行有效的办法）的情况下，「向私营领域集资」必成空言。
现在的投资气氛极度诡异，一方面货币供应不断增加，仅是美国财政部一掷便八九千亿（美元．下同），而且财长前华尔街超级大鳄保尔森扬言只要能稳住市场，要多少钞票便印多少，加上欧盟及英国亦向市场注入以千亿计为单位的资金（以英国向银行直接「注资」〔入股〕之法较可取），完全是刺激通货膨胀上扬的格局；可是，一方面却是经济衰退（萧条一词现在说不得）掩至，失业率上升、股票期货以至民生百物价格下挫，面对如斯淡景，美国大连锁店去周末已挂出「圣诞大减价」的街招，向来以开快车为乐事的美国人已为省油而在超级公路「慢慢走」，开车速度因省油而放慢，美国市面已呈应付通货收缩的景象。面对这种前所未见表面缩底下胀的形势，仍有可以自由运用的余资在手者应怎样做？笔者的意见是，投资者应心存恶性通胀快至之念，有此基本信念，所作的投资决策才不致与短期市场前景背驰，换句话说，笔者认为在通缩的环境下，通胀这头怪兽蓄势待发，投资者千万不可为经济表象所蒙蔽！
二、
一如去周四所说，现在的「有钱人」─在银行有存款的人─由于政府誓为周转不灵银行的后盾，倒闭的可能性近零，「有钱人」因此比他们的先辈因银行清盘而一无所有幸运，只要「有钱人」对银行仍有信心，金融市场便趋稳定。稳定不是说投资媒介的价格不会狂涨暴泻，而是在变动不居的环境下制度不会解体，投资者不致因为非市场因素有所失！
由于香港财金当局一而再强调香港银行体系十分稳健，整体而言，银行的资金充足比率十分充分，个别银行亦无问题，因此，笔者以为令港人放心进而对金融制度充满信心的最佳办法，莫如宣布仿效西欧多国对存户作全保─政府担保百分之百银行存款不会有损失。众所周知，香港银行体系中有几乎半数以上的存款来自海外，全保岂非保障外国人的利益？答案是肯定的。但保障外来存户的利益，必然可吸引更多资金流港，在取消遗产税的有利条件下，香港作为世界华人以至国际富翁资金聚集地的地位，因此得以进一步确立。今年九月底，香港外汇基金的外汇储备在一万二千五百亿港元水平（现在肯定再缩，唯在世界外汇储备排名次序不变），而《外汇基金条例》规定金管局必须运用外汇基金以稳定港汇及「维系货币与金融体系的稳健发展」，因此，以外汇基金为银行存款的安全性「背书」，符合《条例》的规范。
如果财金官员对香港银行的稳健性有信心，「全保」等于不必动用外汇基金一分一毫便能使银行在大海啸中屹立不倒。银行如常经营，存户无忧无惧，香港金融业稳如盘石，海啸过后，自有一番朝气勃勃的新景象！

但建議如下：一、如去年10月前你已賣出全部股票，依家不妨將30％資金重投股市；二、如你早已將30％資金投入股市，睇嚟除咗觀望外，可以做嘢已唔多，不如拉將凳仔坐定定睇「投資者日記」啦。當市場出現恐慌性拋售，理性分析如孤兒（冇人理）咁可憐。你可以話個市癲咗，但1974年7月至12月我老曹理性分析曾面對冷漠，從此我老曹學到一件事——喺熊市中最大責任係保本。一如太陽陳指出，喺熊市中最好100％�番F金，然後做空軍（我老曹做唔到，因為仲有感情包袱）；三、喺熊市中希望係最差投資策略，例如希望大市反彈後才減持，希望嗰樣或呢樣。喺熊市中應有佛家思想——捨得。請放棄紅塵、遁迹空門。就算唔做空門弟子亦要戒貪、嗔及癡。

不明白什么意思？请懂的朋友解释

引用:

原帖由 玲格格 于 2008-10-13 20:45 发表
但建議如下：一、如去年10月前你已賣出全部股票，依家不妨將30％資金重投股市；二、如你早已將30％資金投入股市，睇嚟除咗觀望外，可以做嘢已唔多，不如拉將凳仔坐定定睇「投資者日記」啦。當市場出現恐慌性 ...

1，07年10月已经空仓朋友，现在可以将30%资金买入股票。2，如果你已经有30%资金在股市，就什么都不要做，看投資者日記得了。
市场出现恐慌，理性分析都无用，熊市中最大责任就是保本。
3，熊市中最差策略就是希望，例如希望大反弹才减持，希望这样和那样。熊市中应该有佛家思想---舍得。就算不是空门弟子也要戒贪。

不知道mm是不是不明白广府话？我都只是直接翻译出来

引用:

原帖由 面包大人 于 2008-10-13 21:03 发表

1，07年10月已经空仓朋友，现在可以将30%资金买入股票。2，如果你已经有30%资金在股市，就什么都不要做，看投資者日記得了。
市场出现恐慌，理性分析都无用，熊市中最大责任就是保本。
3，熊市中最差策略就是希望 ...

谢谢大人；小女子这厢有礼了

超的意思是可以大底舱，就是主动买套。但是不可用太大的资金，熊市中保本第一。大人偶的理解可对？

ATT。美国股市DJI，欧元EURUSD，原油oil：日线“出现”买入结构转折

有短线见底反弹的可能。


技术分析还没有看到.....

引用:

原帖由 玲格格 于 2008-10-13 21:30 发表

谢谢大人；小女子这厢有礼了

超的意思是可以大底舱，就是主动买套。但是不可用太大的资金，熊市中保本第一。大人偶的理解可对？

打底仓\主动买套等做法绝对不符合曹仁超的投资理念,应该是趋势为先,熊市应该空仓为上,实在忍不住就拿30%来抄连续暴跌的底(所谓的捉熊脚)

2008年10月14日
冇經濟理論救到次按
曹仁超
10月13日，周一。恒指回升1515.29，收16312.16；成交725.8億元。10月期指升1247點，收16180點；11月期指升1292點，收16132點。期指倒掛現象又再出現，擔心反彈市係好短暫。

上周係最惡劣嘅一周，昨天投資者貪念又再戰勝咗恐懼，令恒生指數一天之內上升1515.29，收16312.16，成交725.8億元。估計係拋空者平倉，形成熊市二期內另一隻腳。以P/E計，恒指平均P/E一旦跌至八至十二倍便是熊市三期（最低P/E係1974年12月六倍）。上周P/E最低見八點八倍，點解我老曹仍認為係熊市二期而唔係三期？理由係擔心銀行股非利息收入利潤（佔總利潤30％或以上）喺未來三年將大減，因銀行推銷金融產品時嘅困難大幅上升，令未來三年銀行純利如唔係倒退就係停滯不前。地產方面，物業重估利潤大幅倒退或唔存在，呢方面佔地產股40％以上純利，擔心今後三年亦唔存在。把上述因素計算，今天P/E八點八倍相等於過去恒指P/E十二倍。

投資信心難重建
Thomson路透估計，標普五百指數第三季純利減少7.4％（7月1日仍估計升12.6％；10月1日估計減少4.8％）。至今已公布業績只有三十二間，其中50％較預期中好、16％與預期接近及34％較預期中差（正常情況下應有61％較預期中好、19％與預期接近及20％較預期中差）。過去八季65％較預期中好、12％與預期接近及23％較預期中差。分類方面，能源純利仍大升52％、金融大跌81％及消費類跌10％。展望第四季，7月1日估計純利上升59.3％；10月1日時修訂為上升46.7％；家吓改為上升46.1％。能源上升22％、原材料升24％及金融業大幅回升。估計今年第四季至明年第三季標普五百指數P/E只有九點二倍，較五十二周平均P/E十三點六倍為低。

Thomson路透估計，第四季全球GDP出現負增長，明年第四季低增長。估計失業率最高潮喺明年8月，全球失業率可達7％。

信任（Trust）一旦破產，重建需時。到底幾時投資界先可以重返去年10月嘅信心？

道指連跌八個交易天，最終喺7880點附近守住，上周五並以8451.19收市；上周道指不但失守10000點及9000點，一度連8000點亦淪陷。其後二十國集團會議喺上周末開會；加上歐洲國家周日開會。大家最終決定全力挽救，阻止股市進一步下跌。昨天股市出現似樣嘅反彈。

摩根士丹利及三菱UFJ宣布，更改注資條件，因摩根士丹利股價上周回落60％。發行優先股認股價可能減價36％，由31.25美元改為20到25美元，股息仍係10厘。上周五大摩股價收9.68美元，較三菱UFJ同意收購價低62％。去年12月中國以55.8億美元入股大摩，息率係9厘，可以喺2010年前換為普通股後，佔大摩10％股權。

美斯百貨上周五跌13％，收9.92美元．即9月至今合共跌55％。估計2008／09年每股獲利1.3至1.5美元（8月13日估計每股獲利1.7至1.85美元）；去年每股獲利2.15美元。估計美國消費進入回落期。

G7誓言唔會再有另一單雷曼事件出現。

經過1982至2007年長達二十五年嘅信貸膨脹期，2006年起樓價下跌造成貸款者損失，令金融機構資本充足比率不足；加上國際會計制度收緊，資產價值必須按市價入賬，令各金融機構出現資本充足比率不足，必須集資去增大資本，因而引發信貸壓碎（Credit Crunch）。各金融機構被迫賤賣資產去增大資本，因而引發金融危機。資產泡沫爆破及金融市場產生黑洞，吞食所有投入嘅資金，令貝爾斯登及美林被接管；雷曼兄弟破產；AIG無力履行擔保CDO責任及「兩房」被託管，情況好似愛麗斯夢遊仙境，她一旦走進白兔嘅洞內，便返唔到出嚟，全球進入大蕭條以嚟最大一次金融危機。主流經濟理論進入白兔洞內，任何通脹目標（Inflation Targeting）或價值投資法均冇用，令貝南奇變成傻佬一名，呆若木雞不知所措；保爾森則喺度扮演幪面超人，可惜災場太大，救得呢個救唔到嗰個。因為格蛇時代將信貸膨脹呢個波吹得太大，所謂Greenspan Put（每次出現危機，格蛇都放寬銀根，冇耐之後危機便消失），令市場忘記紀律。四分一世紀金融市場過分自由化，家吓面臨縮細（downsizing）、理性化（rationalization）及重新納入監管（re-regulation），一切將屬過去嘅反轉。市場進入熊彼得理論（創造中嘅破壞），舊理論、舊方法及舊方式已冇用，但新理論、新方法及新方式又未出現，過去因信貸膨脹而創造出嚟嘅經濟繁榮已受到無情破壞，信貸收縮喺度引發通縮（而唔係通脹）。

冇更大泡沫支持經濟
我地唔可以鬧奧國經濟學派（或貨幣學派）出錯。1997年起各國政府已唔尊重貨幣學派（為阻止經濟衰退出現，其貨幣濫發程度達驚人水平）。各國央行的確阻止1997年亞洲金融風暴引發嘅全球衰退，亦阻止2000年科網股泡沫爆破引發嘅全球衰退，但呢次又點？連各國央行聯手，力量亦極之有限。我地逃唔出創造中嘅破壞命運──睇嚟全球經濟衰退（明年全球GDP增長率少於2.5％）已無可避免。全球房地產價格偏離合理水平，同時上述資產作為金融機構抵押品，一旦回落係好難叫各金融機構吸收虧損。亞洲金融風暴擾攘一年；科網股泡沫爆破擾攘接近三年才結束，呢次要幾耐？過去格蛇應付泡沫爆破方法係製造另一個更大嘅泡沫。當地產泡沫爆破後，世上仲有另一個更大泡沫咩？至於商品泡沫相較地產泡沫係小兒科，撑唔起全球經濟。當你用自己嘅靈魂向魔鬼交換世上財富及權力後，下一次你用咩嘢同魔鬼交換回你嘅靈魂？過去二十五年美國過度消費，邊個埋單？過去二十五年房價上升後，邊個可以阻止樓價回落？過去二十五年低利率所引發嘅信貸膨脹，邊個可以阻止信貸萎縮？過去二十五年財富效應變成反方向發展時，最終令美國人減少消費、唔再玩樓市泡沫及唔再先使未來錢。新制度取代舊制度後，可令人類經濟重新繁榮起嚟，但呢段創造中嘅破壞要幾耐（日本十三年及香港六年）？依家各國政府保證銀行存款安全，只能阻止1929年式經濟出現，卻令各國進入九十年代日式經濟。當消費減少、生產活動減弱及資產價格下跌環境下，未來世界會點？

最近去咗一次日本，發現大部分日本人older, wiser but poorer。日本今天情況係咪未來美國同歐洲嘅寫照？物業價格Portfolios剛開始調整，需要幾耐？換言之，資產泡沫爆破留下嘅手尾有排執。新嘅金融建築學（New Financial Architecture，簡稱NFA）只將負債切片、證券化、重組及再由保險公司提供擔保，便成為CDS，要幾耐先完成清理？NFA令傳統金融市場紀律蕩然無存，終於引發次按危機。去年8月至今，金融上嘅機制一個接一個被打破，最終必由證券化市場，重返傳統借貸關係嘅模式，但需時幾耐？幾時再監管（re-regulation）市場先出現？未來評估機構應向消費者收費，而唔係發行商，以免信用評估被高估。銀行係咪一如過去，唔准經營對沖基金及高槓桿比率嘅項目？

IMF警告明年世界經濟將進入嚴重低迷期（GDP增長率只有2％至3％）。美國、歐洲及日本將步入衰退，中國經濟經過三十年高速增長後，擔心步入1992年台灣式經濟或1997年東南亞國家情況──即GDP由過去三十年平均年增長9％後回落。至於擴大內需已提咗十年有多，至今未見生效。中國GDP仍過分依賴出口，一旦美國、歐洲及日本進入衰退，中國經濟下行嘅機會好大。拉動中國GDP上升嘅三頭馬車──投資、消費同出口，可能一齊回落，形勢較大家原先預期嘅嚴峻好多。10月10日滬深三百指數平均P/E只有十六點五九倍至十五點三六倍，擔心係反映明年上市企業盈利將快速下降！

去年11月中國中央經濟工作會議上明確雙防；到今年7月中央政治局會議提出有保有壓；到十七屆三中全會前嘅中國人行與其他各國聯手下調存貸利率及存款準備金率0.5％，一個月內兩次雙降，顯示中國政府已由去年11月起，由打壓經濟改為減慢經濟下滑速度。隨住境內外股市大幅下跌，欲阻止中國GDP增長率低於8％並唔容易。中國GDP增長率去年第二季達12.7％高峰，恐怕到今年第三季已低於9％，透過減息可唔可以阻止明年中國GDP增長率低於8％？CPI回落令政府已可透過減息及放寬銀根刺激經濟，但作用有限，因今年雪災及地震；加上今年北京奧運，中國貨幣並冇實質收緊。中國國債餘額只有5.5萬億元人民幣，佔去年中國GDP 20％，令減息刺激作用極之有限。

A股步入冰河時期
中國GDP最終能否逃過1992年後台灣嘅命運或1997年後東南亞國家嘅命運，保持上行增長？明年就有答案。中國加入WTO後，中國企業受到全球化衝擊已唔可以獨善其身，既受世界經濟上升周期帶動而上升，同時亦因世界經濟陷入衰退而大受影響。法興分析員Albert Edwards 9月份估計股市將溶解，家吓更估計步入冰河時期。依家只係冷風（Chill），仍未降霜（Frost）；The Daily Reckoning認為，過去一年係流動性資金問題（Liquidity），未來一年係清盤問題（Liquidation）。今年已冇人歡迎財務顧問，只希望趕走佢地（聽講部分財務顧問已畀人喊打）。

南非蘭特出現七年內最大跌幅（9.8％），見9.4127兌1美元，因為連金價亦暴跌。七十歲嘅老資格投資者Jeremy Grantham（管理1200億美元資產）叫各位忘記通脹，因全球經濟在萎縮中。依家美股股價雖已進入合理水平，估計未來將出現偏低20％；商品價格雖長線睇好，但短期睇淡。

日本《朝日新聞》估計，今年全球金融資產蝕咗高達27萬億美元，相等於美國、歐洲及日本加起來今年嘅GDP！美林駐日本首席經濟學家Masa Kichikava認為，呢次次按危機，與1990至2001年嘅日本情況極之相似。1996年政府出手相助，但1998年大型證券公司相繼破產，1999至2001年保險公司爆發危機，2001年起大型金融機構大併購，到2003年4月情況先至穩定落嚟。九十年代日本面對嘅係金融機構呆壞賬，呢次次按危機係資產過分證券化。由於證券化產品價格下跌好快，令蔓延速度超過九十年代時嘅日本。

各國影響力重新劃分
2001年後日本政府不斷向日本銀行注資。先令日本銀行資本充足比率重返健康水平，代價係日本政府成為G7中最大負債國（以該國GDP計）。相信未來美國情況亦接近。與美國唔同，日本政府等咗十年先向銀行注資；反之，美國出事一年後已同意向銀行注資。因此，呢次美股雖然下跌較日本急，但時間會唔會較日本（十三年）短？日本人係高儲蓄率民族，政府可透過向人民集資向銀行注資；反之，美國人係低儲蓄率民族，政府唔可以只向美國人集資而向銀行注資。如尋求國際資金援助，形成資金流入美元區引發美元滙價強勢。日本政府用咗三年時間，令日本銀行恢復資金充足比率至國際水平，美國政府又需要幾耐？

日本經濟2003年4月起雖恢復增長，但日本响國際間地位已同1990年唔一樣；上述情況咪係同樣喺美國、歐洲及英國發生？未來各國影響力係咪將重新劃分，例如金磚四國所佔比重上升。到時由英美領導，自1982年起透過消費帶嚟全球經濟繁榮嘅方式（貨幣呆脹），又會唔會改變？取而代之係政府加強監管時代來臨？

杜拜（聯合酋長國成員之一）過去喺基建上大量投資，計劃將杜拜轉為一個旅遊及商業中心。依家正興建全球最高大廈，樓高三千二百八十一呎；其他項目有欖橄樹形狀嘅海上人造島等。近期杜拜無論股市或房地產都喺度回落，杜拜負債已相等於GDP 100％並不停咁上升，情況雖令人擔心，但杜拜領導層無意停止投資，穆廸冇為杜拜評級，聯合酋長國喺過去三十年多次支持面臨倒閉嘅銀行，因此杜拜雖然負債高達470億美元，相信聯合酋長國一樣會全力支持。

10.14 : 上证指数实战分析与策略
日线資金持平。
（10.13）399106，399300日线“出现”大级别的买入结构转折。
（10.10）周线“出现”买入结构转折。
----------------------------------------------
留意09:45/13:30的回吐强度。
分时牛熊位：2220 / 2150 。（熊）
上破2080可展开反弹。重要阻力：2130/2180/2235
下破1963，见1815左右。
---------------------------------------------
日线收破2073，可见1852左右。（10.13：收2073。）
日线牛熊位：2675 / 2378。
-----------------------------------------------
（09.18）<<< 下周将是全球金融市场重要的一周。>>>
（09.05）周线收破2285，见1670左右。
（08.09）9月月线有机会“出现”买入结构转折。（09.26）“出现”.
（08.01）如果月线收破2570可能见1508左右。
-----------------------------------------------
阻力:2105-10/2130-35/2180-85* /2205-10/2225-35/2290-95/2330-40/2360-75/2480-2510
支持:2015-20/1925-50/1890-95/1820-30/1735-65/1670/1508-24

[ 本帖最后由 火麒麟 于 2008-10-14 09:30 编辑 ]

10.15 : 上证指数实战分析与策略
日线有資金流入。
10.15是关键！（最少收上2080，多头才有戏。）
----------------------------------------------
留意10:00/13:30的反弹强度。
关键位：2095（转强）、2115（新高）/2010（转弱）、1980（新低）
分时牛熊位：2220 / 2150 。（熊）
重要阻力：2130/2180/2235
下破1963，见1815左右。
---------------------------------------------
日线收破2073，可见1852左右。（10.14：再失守。）
日线牛熊位：2675 / 2378。
-----------------------------------------------
（10.13）399106，399300日线“出现”大级别的买入结构转折。
（10.10）周线“出现”买入结构转折。
（09.18）<<< 下周将是全球金融市场重要的一周。>>>
（09.05）周线收破2285，见1670左右。
（08.09）9月月线有机会“出现”买入结构转折。（09.26）“出现”.
（08.01）如果月线收破2570可能见1508左右。
-----------------------------------------------
阻力:2080-95/2100-15/2130-35/2165-85* /2205-10/2225-35/2290-95/2330-40/2360-75/2480-2510
支持:2010/1980/1865-90/1820-30/1735-65/1670/1508-24

[ 本帖最后由 火麒麟 于 2008-10-14 21:15 编辑 ]